கட்மியம் ஆபத்து குறித்து மருத்துவர்கள் எச்சரிக்கை!!

இளம் வயதினரிடையே கணைய (pancréas) புற்றுநோய் அதிகரிப்புடன் தொடர்பு இருக்கலாம் என சந்தேகிக்கப்படும் கட்மியம் (cadmium) என்ற நச்சு உலோகத்தின் தாக்கம் குறித்து பிரான்ஸ் மருத்துவர்கள் கவலை வெளியிட்டுள்ளனர். மண்ணிலும் உணவிலும் காணப்படும் இந்த உலோகம் மனிதர்களின் உடலில் அதிகமாகச் சேர்ந்து வருகிறது. 

மருத்துவ நிபுணர் பியர் சோவே, “இப்போது செயல்பட வேண்டிய அவசியம் உள்ளது; செயலற்றிருப்பது இனி ஏற்க முடியாது” என்று எச்சரிக்கிறார். Anses அமைப்பின் தகவல்படி, பிரான்ஸ் நாட்டில் பெரியவர்களில் சுமார் பாதி பேர் பாதுகாப்பான நச்சுத்தன்மை அளவுகளை மீறி உள்ளனர். இந்த அதிகப்படியான வெளிப்பாட்டை குறைக்க அவசர நடவடிக்கைகள் தேவை என அறிக்கை கூறுகிறது. காலை உணவில் சாக்லேட் சேர்க்கப்பட்ட தானியங்களை தவிர்க்க வேண்டும்.

"உரங்களில் உள்ள அளவைக் குறைப்பதற்கான உத்தரவு இன்னும் வெளியிடப்படவில்லை. ஐரோப்பாவில் இது 60 mg/kg அளவாக இருக்கிறது. ஆனால் பிரான்சில் இன்னும் 90 mg/kg உள்ளது," என்று பியர் சோவே வருத்தப்படுகிறார். அவர், "Anses பரிந்துரைகளை பின்பற்றி, குறைப்பதற்கான கால அட்டவணையை அமைக்க வேண்டும்" எனக் கூறுகிறார்.

கட்மியம் உடலில் அதிகமாக சேர்வது எலும்பு, சிறுநீரகம், இதயம், இனப்பெருக்கம் மற்றும் நரம்பியல் கோளாறுகளை ஏற்படுத்த முடியும். மேலும் இது புற்றுநோய்க்கான முக்கிய அபாய காரணிகளில் ஒன்றாக கருதப்படுகிறது. குறிப்பாக இளம் வயதினரிடையே கணைய புற்றுநோய் அதிகரித்து வருவது மருத்துவர்களுக்கு பெரும் கவலையாக உள்ளது.