சென் நதிக்குள் கவிழ்ந்த மகிழுந்து! - இருவர் பலி!

மகிழுந்து சென் நதிக்குள் கவிழ்ந்ததில் 27 மற்றும் 28 வயதுடைய இருவர் பலியாகியுள்ளனர்.

சனிக்கிழமை நண்பகல் இச்சம்பவம் Puteaux (Hauts-de-Seine) நகரில் இடம்பெற்றுள்ளது. Allée de l'Écluse பகுதியில் சென் நதிக்கரையருகே உள்ள வாகன தரிப்பிடத்தில் நிறுத்திவிட்டு ஓய்வெடுத்துக்கொண்டிருந்த மகிழுந்து திடீரென உருண்டு விழுந்து சென் நதிக்குள் கவிழ்ந்து விழுந்துள்ளது.

மகிழுந்துக்குள் இருந்த 28 மற்றும் 27 வயதுடைய ஆண் பெண் இருவரும் மூச்சுத்திணறலுக்கு உள்ளாகி உயிரிழந்துள்ளனர்.

மீட்புப்பணியினர் இருவரது சடலங்களையும் மீட்டு, மகிழுந்தையும் மீட்டனர். விசாரணைகள் இடம்பெற்று வருகிறது.