நாட்டுக்கோழி சூப்..

மார்கழி மாத விஷப் பனியை சமாளிக்க இந்தவொரு ரெசிபியை செய்து கொடுத்துப் பாருங்கள். குழந்தைகளிலிருந்து முதியவர்கள் என அனைவருக்கும் இருக்கக்கூடிய சளியை அத்துவிடும். பொதுவாகவே நாட்டுக்கோழி உடளுக்கு நல்லது. அதே நாட்டுக்கோழியை வைத்து நாட்டுக்கோழி சூப் எப்படி செய்யலாம் என்பதை தெரிந்து கொள்வோம்

இதற்கு தேவையான பொருட்கள்: தோலுடன் 1/4 கிலோ நாட்டு கோழி, 1 தேக்கரண்டி இஞ்சி பூண்டு விழுது, 1/4 கப் சிறிய வெங்காயம், 1 சிறிய தக்காளி, 1/8 டீஸ்பூன் மஞ்சள் தூள், 1/2 தேக்கரண்டி சிவப்பு மிளகாய் தூள், 2 கப் தண்ணீர், 1 டீஸ்பூன் கொத்தமல்லி இலைகள், உப்பு ஆகியவற்றை எடுத்துக் கொள்ள வேண்டும்.

தாலிப்பதற்கு...1 டீஸ்பூன் நல்லெண்ணெய், 1/2 அங்குல இலவங்கப்பட்டை, 1 சிறிய ஏலக்காய், 1 கிராம்பு இல்லை, சில கறிவேப்பிலை.அதேபோல் நாட்டுக்கோழி மசாலா அரைக்க தேவையான பொருட்கள்...1/2 தேக்கரண்டி கொத்தமல்லி விதைகள், 1/2 தேக்கரண்டி ஜீரா,1/2 தேக்கரண்டி மிளகு, 3 சின்ன வெங்காயம், சிறியளவு தண்ணீர் ஆகியவற்றையும் எடுத்துக் கொள்ள வேண்டும்.

முதலில் 'நாட்டுக்கோழி மசாலா அரைக்க'1/2 தேக்கரண்டி கொத்தமல்லி விதைகள், 1/2 தேக்கரண்டி ஜீரா,1/2 தேக்கரண்டி மிளகு, 3 சின்ன வெங்காயம், ஆகிய பொருட்களை சிறிது தண்ணீர் சேர்த்து கரடுமுரடான விழுதாக அரைத்து தனியாக வைக்கவும். பின்பு பிரஷர் குக்கரில் 'தாளிக்க' 1 டீஸ்பூன் நல்லெண்ணெய், 1/2 அங்குல இலவங்கப்பட்டை, 1 சிறிய ஏலக்காய், 1 கிராம்பு இல்லை, சில கறிவேப்பிலை ஆகிய பொருட்களைச் சேர்த்து, அது பொன்னிறமானதும் , பின்னர் இஞ்சி பூண்டு விழுது வெங்காயம் மற்றும் உப்பு சேர்க்கவும். 2 நிமிடம் பொன்னிறமாக வதக்கிய பின் தக்காளியை சேர்த்து வதக்கவும். பின்னர் மஞ்சள் தூள் மற்றும் சிவப்பு மிளகாய் தூள் சேர்த்து கோழியை சேர்க்கவும்.

பின்னர் 3 நிமிடங்கள் வதக்க வேண்டும். கரடுமுரடான கலவையை சேர்த்து சிறிது நேரம் வதக்கி தண்ணீர் சேர்க்கவும். 5-6 விசில் வரை பிரஷர் குக் செய்யவும். வேகமாக குக்கரை திறக்க வேண்டாம், அதன் மொத்த பிரசரும் குறைந்த பின்னர் திறந்து கொத்தமல்லி இலைகளால் தூவி இறக்கினால் சூப்பரான சுவையான நாட்டுக்கோழி சாறு தயாராகிவிடும். இந்த நாட்டுக்கோழி சாரினை சூப்பராக குடிக்கலாம் அல்லது சாதம் இட்லி, தோசை ஆகியவற்றுடன் சேர்த்து சாப்பிடும் பொழுது அவ்வளவு ருசியாகவும் சளிக்கு நல்ல மருந்தாகவும் இருக்கும்.