அதிக கட்டணத்துடன் - நவீன வசதிகளுடன் "classe Optimum" பயணம்!!

TGV சேவைகளில் நவீன வசதிகளுடன் கூடிய அதிக கட்டணத்துடன் நவீன இருக்கைகள் வழங்கப்பட உள்ளன.

"classe Optimum" என பெயரிடப்பட்ட இந்த இருக்கைகள் வரும் ஜனவரி 8, 2026 முதல் சேவைக்கு வருகிறது. அதன் பயணச் சிட்டை விற்பனை நேற்று நவம்பர் 19, புதன்கிழமை ஆரம்பித்திருந்தது. விமானத்தில் உள்ள  business இருக்கைகள் போன்று ஆடம்பரமான இருக்கைகள், நவீன வசதிகள் மற்றும் சேவைகளைக் கொண்ட உல்லாச பயணத்தை அனுபவிக்கக்கூடியவாறு அமைந்த இருக்கைகளை TGV தொடருந்துகளில் பெற முடியும்.

முதற்கட்டமாக பரிசில் இருந்து லியோன் நகருக்கு இந்த தொடருந்து பயணிக்க உள்ளது. மிகவிரைவில் அனைத்து நகரங்களுக்குமான சேவைகள் இணைக்கப்படும் என தெரிவிக்கப்படுகிறது.

கட்டணம்??!

பரிசில் இருந்து லியோனுக்குச் செல்ல,

இரண்டாம் வகுப்பு கட்டணம் €64 யூரோக்களாக இருக்க, முதல் வகுப்பு கட்டணம் €86 யூரோக்களாக உள்ளது.

அதிலே "பிஸினஸ் க்ளாஸ்" கட்டணம் €160 யூரோக்களாக உள்ளது. தற்போது அறிமுகப்படுத்தப்பட்டுள்ள  classe Optimum கட்டணமாக €180 யூரோக்கள் அறவிடப்பட உள்ளது.