Choisy-le-Roi அருகே சென் நதியிலிருந்து 5வது சடலம் மீட்பு!!

சென் ஆற்றில் Charenton-le-Pont (Val-de-Marne)இல் செவ்வாய்க்கிழமை மதியம் 12:30க்கு மேல் ஒரு புதிய சடலம் மீட்கப்பட்டுள்ளது. இது ஏற்கனவே Choisy-le-Roiஇல் இருந்து கண்டெடுக்கப்பட்ட நான்கு சடலங்களுடன் தொடர்புடையதா என்ற சந்தேகம் எழுந்தாலும், தற்போது வரை எந்தத் தொடர்பும் உறுதி செய்யப்படவில்லை.

காவல் துறையினர் இது தற்கொலை அல்லது விபத்து என முதற்கட்டமாக கருதுகின்றனர். சடலம் ஒரு ஐரோப்பிய ஆணுடையதாகும், மற்றும் பல நாட்கள் நீரில் இருந்ததால் சடலம் அழுகிய நிலையில் உள்ளது. அடையாள ஆவணங்கள் எதுவும் காணப்படவில்லை.

முன்னதாக மீட்கப்பட்ட நான்கு சடலங்கள், துனீசியாவைச் சேர்ந்த Monji H என்பவருடன் தொடர்புடையதாகக் கருதப்படுகின்றன. அவர்மீது நான்கு கொலைகளுக்காக வழக்கு பதிவு செய்யப்பட்டுள்ளது. இவர் மதத்துடன் தொடர்புடைய உளவியல் பிரச்சனைகள் அல்லது அடக்கப்பட்ட பாலின விருப்பங்கள் காரணமாக இந்த கொலைகளை நிகழ்த்தியிருக்கலாம் என காவல் துறையினர் சந்தேகிக்கின்றனர். விசாரணை தொடர்கிறது, மேலும் சம்பவங்களுக்கான முழுமையான காரணம் இன்னும் தெளிவாகவில்லை.