ஜெல்லிமீன்களால் கிராவ்லின்ஸ் அணுமின் நிலைய யூனிட்கள் செயலிழந்தன!!

வட பிரான்சில் உள்ள கிராவ்லின்ஸ் (Gravelines) அணுமின் நிலையத்தின் நான்கு யூனிட்கள் (2, 3, 4 மற்றும் 6) ஆகஸ்ட் 11 அன்று குளிரூட்டும் நீர் எடுத்துக் கொள்ளும் பம்பிங் நிலையத்தில் எதிர்பாராத வகையில் அதிக அளவில் ஜெல்லிமீன்கள் (méduses) அகப்பட்டதால் தானாகவே நிறுத்தப்பட்டுள்ளன. 

EDF நிறுவனத்தின்படி, இந்த தற்காலிக நிறுத்தம் எந்தவிதமான பாதிப்பும் பாதுகாப்புக்கும், பணியாளர்களுக்கோ சுற்றுச்சூழலுக்கோ ஏற்படுத்தவில்லை. மீதமுள்ள இரண்டு யூனிட்கள் பராமரிப்பில் இருப்பதால், மையம் முழுமையாக நிறுத்தப்பட்டுள்ளதாகவும் கூறப்பட்டுள்ளது.

ஞாயிறு இரவு 11 மணி முதல் திங்கள் காலை 6:20 மணி வரை இந்த யூனிட்கள் தானாகவே நிறுத்தப்பட்டன. தற்போது பணியாளர்கள் மீண்டும் இயங்கும் வகையில் பரிசோதனைகள் மற்றும் திருத்தப்பணிகள் ஈடுபட்டு வருகின்றன. EDF நிறுவனம், அனைத்து நடவடிக்கைகளும் பாதுகாப்புடன் மேற்கொள்ளப்படுவதாக உறுதியளித்துள்ளது.