ஆகஸ்ட் 1 முதல் ஐரோப்பிய ஒன்றியத்திற்கு 30% இறக்குமதி வரிகள்: டிரம்ப் அறிவிப்பு!

அமெரிக்க ஐனாதிபதி டொனால்ட் டிரம்ப் 2025 ஆகஸ்ட் 1 முதல் ஐரோப்பிய ஒன்றியத்திலிருந்து இறக்குமதி செய்யப்படும் பொருட்களுக்கு வரியை 10% இலிருந்து 30% ஆக உயர்த்தவுள்ளதாக அறிவித்துள்ளார். 

இது அமெரிக்கா மற்றும் ஐரோப்பிய ஒன்றியத்துக்கு இடையிலான வர்த்தக உறவுகளில் புதிய பதற்றத்தை ஏற்படுத்தியுள்ளது. ஏற்கனவே அலுமினியத்திற்கு 50% வரி விதிக்கப்பட்டு வருகிறது, கார்களுக்கு 25% வரி உள்ளது. 

டிரம்ப் அதிகாரத்தில் வரும் முன், சராசரி வரிகள் 2.5% ஐ கூடத் தாண்டவில்லை என BFM Business குறிப்பிடுகிறது. இந்த புதிய நடவடிக்கை, டிரம்பின் பாதுகாப்பு வர்த்தக அரசியலின் ஒரு கட்டமாக பார்க்கப்படுகிறது.

ஐரோப்பிய ஒன்றியம் சமரசம் நாடும் வேளையில், டிரம்ப் நேரடியாக நடவடிக்கை எடுத்துள்ளார். Truth Social-இல் வெளியிடப்பட்ட அறிவிப்பில், ஐரோப்பாவுடன் உள்ள வர்த்தக சமநிலையின்மையை காரணமாகக் குறிப்பிட்டுள்ளார்.