சொந்த பிள்ளைகளை கடத்திய.. - தந்தை கைது!!

5 மற்றும் 3 வயதுடைய இரு பிள்ளைகள் கடத்தப்பட்ட குற்றத்தில் அவர்களது தந்தை கைது செய்யப்பட்டுள்ளார்.

 Beuvrages (Nord) நகரில் இச்சம்பவம்  ஜனவரி 20, திங்கட்கிழமை பகல் இடம்பெற்றுள்ளது. 5 வயதுடைய முகமட் எனும் சிறுவனும், 3 வயதுடைய நஸீம் எனும் சிறுவனும், பகல் 1.10 மணி அளவில்   rue Jean-Jaurès வீதியில் வைத்து கடத்தப்பட்டார்கள். 

அவர்கள் கடத்தப்பட்டதாக தகவல் தெரிவிக்கப்பட்டதன் பின்னர், உடனடியாக காவல்துறையினர் விசாரணைகளை மேற்கொண்டனர். முதலாவது சந்தேகநபராக அப்பிள்ளைகளின் தந்தை அடையாளம் காணப்பட்டார். 38 வயதுடைய அவர், வட ஆபிரிக்காவைச் சேர்ந்தவர் எனவும், அவரது BD-761-QQ இலக்கமுடைய Audi A3 மகிழுந்து அடையாளம் காணப்பட்டு, உடனடியாக பிள்ளைகள் மீட்கப்பட்டதாகவும், இருவரும் பூரண நலத்துடன் இருப்பதாகவும் தெரிவிக்கப்பட்டுள்ளது.

பிள்ளைகளை கடத்திய தந்தை கைது செய்யப்பட்டுள்ளார்.