ரொனால்டோ அடித்த மின்னல்வேக கோல்! 5-1 என அல் நஸர் இமாலய வெற்றி

AFC சாம்பியன்ஷிப் போட்டியில் அல் நஸர் அணி 5-1 என்ற கோல் கணக்கில் அல் ஐன் அணியை வீழ்த்தியது. 

Al-Awwal Park மைதானத்தில் நடந்த போட்டியில் அல் நஸர் (Al Nassr) மற்றும் அல் ஐன் (Al Ain) அணிகளுக்கு இடையிலான போட்டி நடந்தது.

ஆட்டத்தின் 5வது நிமிடத்திலேயே அல் நஸர் வீரர் தலிஸ்கா (Talisca) அபாரமாக செயல்பட்டு கோல் அடித்தார்.

அதனைத் தொடர்ந்து 11வது நிமிடத்தில் கிறிஸ்டியானோ ரொனால்டோ அடித்த ஷாட் நூலிழையில் கம்பத்தை விட்டு விலகி சென்றது.

ஆனாலும், 31வது நிமிடத்தில் சாடியோ மானே (அல் நஸர்) கிக் செய்த பந்தை, அல் ஐன் கோல் கீப்பர் காலித் ஈஸா தடுத்தார். 

எனினும், அவரை விட்டு வெளியே வந்த பந்தை ரொனால்டோ மின்னல் வேகத்தில் பாய்ந்து வந்து வலைக்குள் தள்ளினார். 

பின்னர் 37வது நிமிடத்தில் அல் நஸர் வீரர் ஏஞ்சலோ கிக் செய்த பந்தை, கார்டோசோ தடுக்க முயன்று Own Goal ஆக மாறியது.

அதேபோல் இரண்டாம் பாதியில் (56வது நிமிடம்) யங் வூ பார்க் அடித்த பந்து, கோல் கம்பத்தில் பட்டு வெளியே வர, மீண்டும் கோல் கீப்பரின் மேல் பட்டு Own Goal ஆனது. 

அல் நஸரின் 19 வயது வீரரான வெஸ்லே (Wesley) தூக்கி அடித்து கோலாக மாற்றினார். இதன்மூலம் அல் நஸர் அணி 5-1 என்ற கோல் கணக்கில் அபார வெற்றி பெற்றது.

வெற்றி குறித்து பதிவிட்ட ரொனால்டோ "பாரிய வெற்றி" என எக்ஸ் தளத்தில் கூறியுள்ளார்.