2 நாட்களில் 29 விக்கெட்டுகள்: வான்கடேவில் இந்தியா-நியூசிலாந்து புதிய சாதனை

மும்பையில் உள்ள வான்கடே ஸ்டேடியத்தில் நடைபெற்ற மூன்றாவது டெஸ்ட் போட்டியில் இந்தியா மற்றும் நியூசிலாந்து அணிகள் புதிய சாதனை படைத்தன.

இதுவரை நடந்த முதல் இரண்டு நாட்களில் 29 விக்கெட்டுகள் வீழ்த்தப்பட்டதால், இந்த அரங்கில் புதிய சாதனை உருவானது.

இதற்கு முன் 2000-ஆம் ஆண்டு இந்தியா மற்றும் தென் ஆப்ரிக்கா அணிகளுக்கு இடையிலான டெஸ்ட் போட்டியில் இரண்டு நாட்களில் 25 விக்கெட்டுகள் விழுந்தது சாதனையாக இருந்தது.

இந்த போட்டியில் வீழ்த்தப்பட்ட 29 விக்கெட்டுகளில் 24 விக்கெட்டுகளையும் ஸ்பின்னர்கள் தான் கைப்பற்றினர்.

இந்தியாவின் ரவீந்திர ஜடேஜா சிறந்த பந்துவீச்சை காட்டியதால், இரண்டு இன்னிங்சில் மொத்தம் 9 விக்கெட்டுகள் வீழ்த்தினார்.

முதல் இன்னிங்சில் ஐந்து விக்கெட்டுகளையும், இரண்டாவது இன்னிங்சில் நான்கு விக்கெட்டுகளையும் கைப்பற்றிய அவர், இந்தியாவுக்கு நல்ல முன்னிலை அளித்தார்.