தளபதி 69 திரைப்படத்தில் மஞ்சு வாரியர் ?

கோட் படத்தை அடுத்து எச்.வினோத் இயக்கும் தனது 69வது படத்தில் நடிக்கப் போகிறார் விஜய். அனிருத் இசையமைக்கும் இந்த படத்தின் படப்பிடிப்பு அக்டோபர் மாதம் முதல் தொடங்க உள்ளது. இந்த படத்தில் விஜய்க்கு ஜோடியாக சமந்தா, ஸ்ரீ லீலா ஆகியோர் நடிக்க வாய்ப்பு இருப்பதாக தகவல்கள் வெளியாகி வந்த நிலையில், சிம்ரன் ஒரு முக்கிய வேடத்தில் நடிக்கிறார் என்று கூறப்பட்டது.

இந்த நிலையில் தற்போது அசுரன், துணிவு, வேட்டையன் படங்களில் நடித்திருக்கும் மஞ்சு வாரியர், விஜய் 69வது படத்தில் அவருக்கு ஜோடியாக நடிக்க இருப்பதாக ஒரு தகவல் வெளியாகியிருக்கிறது. இப்படத்தில் அவர் நடிப்பது குறித்து இயக்குனர் எச்.வினோத் பேச்சுவார்த்தை நடத்தி உள்ளதாகவும் கூறப்படுகிறது. அதோடு அஜித் நடிப்பில் தான் இயக்கிய துணிவு படத்தில் மஞ்சு வாரியர் நடித்தபோதே எனது அடுத்த படத்தில் கண்டிப்பாக நீங்கள் இருப்பீர்கள் என்று கூறியிருந்த எச்.வினோத், தான் அவருக்கு அப்போது கொடுத்த வாக்குறுதிபடியே விஜய் 69வது படத்திலும் அவரை இணைத்திருப்பதாக கூறப்படுகிறது.