முன்னாள் அமெரிக்க ஜனாதிபதி டொனால்ட் டிரம்பின் இறுதி தேர்தல்...

2024 அமெரிக்க ஜனாதிபதி தேர்தலில் தோற்றுவிட்டால் இதுவே என் கடைசி தேர்தல் என டொனால்ட் டிரம்ப் தெரிவித்துள்ளார். 

அமெரிக்க ஜனாதிபதி தேர்தல் நவம்பர் 5ஆம் திகதி நடைபெறவுள்ளது.

இந்நிலையில் ஜனாதிபதி வேட்பாளர்களான கமலா ஹாரிஸ், டிரம்ப் இடையே கடுமையான போட்டி நிலவி வருகிறது.

நாடு தழுவிய கருத்துக் கணிப்புகளில் கமலா ஹாரிஸ் முன்னிலை பெறத் தொடங்கியிருந்தாலும், டிரம்ப் ஆளும் ஜனநாயக கட்சி மீது பல்வேறு குற்றச்சாட்டுகளை முன்வைத்து பிரசாரம் மேற்கொண்டு வருகிறார்.

இந்நிலையில், அமெரிக்காவின் முன்னாள் ஜனாதிபதியான டொனால்ட் டிரம்ப் செய்தியாளர் ஒருவருக்கு பேட்டி அளித்தார். 

அவரிடம், “நீங்கள் தேர்தலில் மீண்டும் போட்டியிடுவீர்களா? என கேள்வி எழுப்பப்பட்டது.

பதிலளித்த டிரம்ப், 2024இல் வெள்ளை மாளிகைக்குத் திரும்பும் முயற்சியில் தோல்வி அடைந்தால் 2028இல் மீண்டும் ஜனாதிபதி தேர்தலில் போட்டியிடப் போவது இல்லை என கூறியுள்ளார்.