ஒலிம்பிக் போட்டிக்கு தகுதி பெற்ற இலங்கையின் இரு வீராங்கணைகள்

இலங்கை வீராங்கனைகளான தருஷி கருணாரத்ன மற்றும் தில்ஹானி லேகம்கே ஆகியோர் 2024 பாரிஸ் ஒலிம்பிக் போட்டியில் பங்கேற்க தகுதி பெற்றுள்ளனர்.

பாரீஸ் ஒலிம்பிக் போட்டிகள் பிரான்சில் ஜூலை 26 முதல் ஆகஸ்ட் 11 வரை நடைபெறவுள்ளது.

பெண்களுக்கான 800 மீ ஓட்டத்திற்கு IAAF நிர்ணயித்த நேரடி தகுதி நேரம் 1:59.30s மற்றும் பெண்களுக்கான ஈட்டி எறிதலுக்கான நேரடி தகுதி தூரம் 64.00 மீ.

பாரிஸ் ஒலிம்பிக் விளையாட்டு தடகள நிகழ்வுகளுக்கான நேரடி தகுதித் தரநிலை ஜூன் 30 அன்று முடிவடைகிறது.

ஆசிய தடகள சாம்பியன்ஷிப் மற்றும் ஆசிய விளையாட்டுப் போட்டியில் தங்கப் பதக்கம் வென்ற தருஷி கருணாரத்ன, உலக தடகளத் தரவரிசையில் சாத்தியமான 48 தகுதிச் சுற்றுகளில் 45வது இடத்தைப் பிடித்தார்.

இந்த சாதனை 2024 பாரிஸ் ஒலிம்பிக்கில் பெண்களுக்கான 800 மீட்டர் ஓட்டப்பந்தயத்தில் பங்கேற்கும் வாய்ப்பை ஏற்படுத்தியுள்ளது.

ஈட்டி எறிதல் வீராங்கனை தில்ஹானி லெகம்கே, பாரிஸ் ஒலிம்பிக்கிற்கான இலங்கையின் உயர்தர தடகள வீராங்கனையாக உருவெடுத்துள்ளார், தற்போது சாத்தியமான 32 தகுதிச் சுற்றுகளில் 26வது இடத்தில் உள்ளார்.