‘கூலி’ படத்தை காலி செய்த வெங்கட்பிரபு...

லோகேஷ் கனகராஜ் இயக்கத்தில் நடிகர் ரஜினிகாந்த் நடிக்க இருக்கும் படம் ‘கூலி’. கடந்த ஏப்ரல் 22 அன்று படத்தில் டைட்டில் டீசர் வெளியானது. இதில் நடிகர் ரஜினிகாந்த் ரெட்ரோ லுக்கில் மாஸாக வசனம் பேசி நடித்திருந்தது அவரது ரசிகர்கள் மத்தியில் ஹிட்டானது. இந்த டிரெய்லரை ‘யாரடி நீ மோகினி’ படத்தில் தனுஷின் நண்பராக நடித்திருந்த நடிகர் கார்த்தி கேலி செய்து வீடியோ ஒன்றை வெளியிட்டிருந்தார். இவர் இப்போது ஸ்டாண்ட் அப் காமெடி நிகழ்ச்சிகளையும் செய்து வருகிறார்.

’கூலி’ டிரெய்லர் பார்த்தப் பின்பு அவர், ‘மாஸ் நடிகர்களின் எல்லா டிரைய்லர்களும் கிட்டத்தட்ட ஒரே மாதிரியாக தான் உள்ளது. ’அவன் வரப்போறான், வந்துட்டான், செய்யப் போறான்’ என்று ஒரே டெம்ப்ளேட்டில் தான் உள்ளது. மக்கள் வித்தியாசமாக எதிர்பார்க்கிறார்கள்’ என்று கூறி கேலி செய்திருந்தார்.

இந்த வீடியோவைதான் இயக்குநர் வெங்கட்பிரபு சிரிக்கும் எமோஜியோடு தனது சமூகவலைதளப் பக்கத்தில் பகிர்ந்திருந்தார். இதைப் பார்த்த ரஜினி ரசிகர்கள் பலரும் வெங்கட்பிரபு ‘கூலி’யை காலி செய்கிறாரா என சர்ச்சையைக் கிளப்பினர்.

இதற்குதான் பதறிப்போய் வெங்கட்பிரபு விளக்கம் கொடுத்திருக்கிறார். அதில், ’நான் ‘கூலி’ படத்தை கேலி செய்யவில்லை. ஒரே பாணியில் கமர்ஷியல் படங்கள் எடுக்கும் இயக்குநர்களுக்குத்தான் அவர் சொல்லியிருந்தார். அவர் சொல்லியிருப்பது உண்மைதானே? வழக்கமான பாணியில் இல்லாமல் வித்தியாசமான டெம்ப்ளேட்டில் கமர்ஷியல் படங்களை எடுத்தால் ரசிகர்கள் ஏற்றுக் கொள்வார்களா?’ என்றும் கேள்வி எழுப்பியுள்ளார் வெங்கட்பிரபு.