பிரபல ஹாலிவுட் படத்தின் காப்பியா `அயலான்’

நடிகர் சிவகார்த்திகேயன் நடித்துள்ள ‘அயலான்’ படம் பிரபல ஹாலிவுட் படத்தின் காப்பி என்ற புதிய சர்ச்சை கிளம்பியுள்ளது.

ரவிகுமார் இயக்கத்தில் நடிகர் சிவகார்த்திகேயன் நடித்துள்ள ‘அயலான்’ படம் பொங்கல் விடுமுறையை ஒட்டி வெளியாகிறது. சிஜி பணிகள் காரணமாக இந்தப் படத்தின் வெளியீடு பலமுறை தள்ளிப் போனது. இறுதியாக இந்த வருடம் பொங்கலுக்கு வெளியாகிறது. தெலுங்கில் ‘பாகுபலி’ படம் எப்படி ஒரு பென்ச்மார்க்காக அமைந்ததோ, அதுபோலவே தமிழில் ‘அயலான்’ திரைப்படமும் ஒரு பென்ச்மார்க்காக அமையும் எனவும் சிஜி விஷயங்களில் இந்தப் படம் முன்மாதிரியாக இருக்கும் எனவும் படக்குழு நம்பிக்கைத் தெரிவித்து இருந்தது. படத்தில் உள்ள அயலானுக்கு நடிகர் சித்தார்த் குரல் கொடுத்துள்ளார்.

படம் வெளியாக இன்னும் சில தினங்களே இருக்கும் நிலையில், இந்தப் பட பிரபல ஹாலிவுட் படமான ‘பால்’ என்பதன் காப்பி என்ற புதிய சர்ச்சை வெடித்துள்ளது. வழி தவறி பூமிக்கு வந்த ஏலியனை ஆராய்ச்சி பண்ண நினைக்கும் ஒரு கூட்டத்திடம் இருந்து காப்பாற்றி அதனை மீண்டும் அதன் கிரகத்துக்கே அனுப்ப  முயற்சிக்கும் இரண்டு நண்பர்கள் அந்த ஏலியனோட சேர்ந்து அடிக்கிற லூட்டி தான் ’பால்’ படத்தின் கதை. ’அயலான்’ திரைப்படத்தின் கதைக்களமும் கிட்டத்தட்ட ஒன்றுதான் எனும்போது, ‘பால்’ படத்தின் காப்பிதான் ‘அயலான்’ திரைப்படமா என ரசிகர்கள் புதிய சர்ச்சையைக் கிளப்பியுள்ளனர்.