Yvelines : மதில் உடைந்து விழுந்து சிறுவன் படுகாயம்!!

சுற்றுமதில் ஒன்று இடிந்து விழுந்ததில் 11 வயதுடைய சிறுவன் ஒருவர் படுகாயமடைந்துள்ளார். Montesson (Yvelines) நகரில் இச்சம்பவம் இடம்பெற்றுள்ளது. 

இங்குள்ள Sophoras பூங்காவின் சுற்று மதி வியாழக்கிழமை பிற்பகல் திடீரென இடிந்து விழுந்தது. 15 மீற்றர் நீளமுடைய சுற்றுமதில் இடிந்து விழுந்தது. இந்த இடிபாடுக்குள் 11 வயதுடைய சிறுவன் ஒருவர் சிக்குண்டு படுகாயமடைந்துள்ளார். சிறுவன் உடனடியாக மீட்கப்பட்டு Robert-Debré  மருத்துவமனைக்கு அழைத்துச் செல்லப்பட்டார். 

இச்சம்பவம் பூங்காவில் இருந்த பலரை அதிர்ச்சிக்குள்ளாக்கியது. அங்கு உடனடியாக உளநல சிகிச்சை மையம் ஆரம்பிக்கப்பட்டது.  

காயமடைந்த சிறுவனுக்கு தீவிர சிகிச்சை இடம்பெற்று வருகிறது. சம்பவம் தொடர்பில் காவல்துறையினர் விசாரணைகள் இடம்பெற்று வருகிறது.