திலக் வர்மா அதிரடி - மும்பை வெற்றியால் பஞ்சாப் கிங்ஸ் அணிக்கு ஆபத்து

இந்திய பிரீமியர் லீக் (IPL) 2026 தொடரின் 58வது போட்டியில், பஞ்சாப் கிங்ஸ் (PBKS) மற்றும் மும்பை இந்தியன்ஸ் (MI) அணிகள் தரம்சாலாவில் மோதின.

பஞ்சாப் கிங்ஸ் முதலில் பேட்டிங் செய்து 8 விக்கெட் இழப்பிற்கு 200 ஓட்டங்கள் எடுத்தது.

பிரப்சிம்ரன் சிங் 57 ஓட்டங்கள், ஓமர்சாய் 29 ஓட்டங்கள், விநோத் மற்றும் பார்ட்லெட் ஆகியோரின் ஆட்டம் PBKS-க்கு வலுவான ஸ்கோரை அமைத்தது.

ஆனால், மும்பை இந்தியன்ஸ் அணி வலுவான பதிலடி கொடுத்தது. ரிக்கெல்டன் 47 ஓட்டங்கள், ஜாக்ஸ் 32 ஓட்டங்கள்அடித்தனர்.

முக்கியமாக, திலக் வர்மா 33 பந்துகளில் 75 ஓட்டங்கள் அடித்து, அணியை வெற்றிக்குக் கொண்டு சென்றார். கடைசி ஓவரில் அவர் அடித்த இரண்டு சிக்ஸர்கள் மும்பை அணிக்கு வெற்றியை உறுதி செய்தது.

பஞ்சாப் கிங்ஸ் பந்து வீச்சில் சஹால், ஷார்துல் தாக்கூர், ஓமர்சாய் ஆகியோர் விக்கெட்டுகளை எடுத்தாலும், மும்பையின் தாக்குதலை தடுக்க முடியவில்லை. ரோஹித் சர்மா 19 ஓட்டங்களுக்கு அவுடானார். ஜஸ்ப்ரீத் பும்ரா மும்பை அணியின் கேப்டனாக இருந்தார்.

இந்த வெற்றியால் மும்பை அணி, பிளேஆஃப் போட்டியில் இருந்து வெளியேறியிருந்தாலும், பெருமைக்காக விளையாடி பஞ்சாப் அணிக்கு பெரிய அதிர்ச்சியை கொடுத்தது.

PBKS தொடர்ந்து ஐந்தாவது தோல்வியை சந்தித்ததால், பிளேஆஃப் வாய்ப்பு ஆபத்தில் உள்ளது.