நாளை முதல் விற்பனைக்கு வரும் புதிய கணினிகளில் பொதுவான சார்ஜிங் போர்ட் கட்டாயம்!!

2024 இறுதியில் இருந்து, சந்தையில் விற்கப்படும் சிறிய மற்றும் நடுத்தர மின்னணு சாதனங்களில் USB-C சார்ஜிங் போர்ட் இருக்க வேண்டும் என்ற விதி அமுலில் உள்ளது. இப்போது இந்த விதி மடிக்கணினிகளுக்கும் (ordinateurs portables) விரிவுபடுத்தப்பட்டுள்ளது.

ஸ்மார்ட்போன்கள் மற்றும் மடிக்கணினிகளுக்கும் பிறகு, சார்ஜர் முறையில் மாற்றம் மேலும் விரிவடைகிறது. நாளை முதல், பிரான்சில் விற்பனைக்கு வரும் (அல்லது பெரும்பாலான) புதிய மடிக்கணினிகள் அனைத்தும் USB-C சார்ஜிங் போர்டுடன் இருக்க வேண்டும். இது ஐரோப்பிய ஒன்றியத்தின் பொதுச் சார்ஜர் குறித்த உத்தரவின் ஒரு பகுதியாகும்.

ஸ்மார்ட்போன்கள், டேப்லெட்கள், ஹெட்போன்கள், இயர்போன்கள், வீடியோ கேம் கன்சோல்கள், கேமராக்கள், ஸ்பீக்கர்கள், இ-ரீடர்கள், விசைப்பலகைகள், மவுஸ்கள், கையடக்க வழிகாட்டி கருவிகள் போன்ற சிறிய மற்றும் நடுத்தர சாதனங்களுக்கு இந்த விதி 2024 டிசம்பர் முதல் பிரான்சில் ஏற்கனவே அமலில் உள்ளது.

அரசாங்கத்தின் கூற்றுப்படி, இந்த நடவடிக்கை “பயனுள்ள, பொருளாதார ரீதியாக சிக்கனமான மற்றும் சுற்றுச்சூழலுக்கு உகந்தது” ஆகும். மூலப்பொருட்கள் எடுப்பு, உற்பத்தி, போக்குவரத்து, விற்பனை மற்றும் மின்னணு சாதனங்கள் (அவற்றின் சார்ஜர்களுடன்) அகற்றம் ஆகியவற்றால் உருவாகும் CO₂ வெளியீடுகளை குறைப்பதே இதன் நோக்கமாகும். 

ஐரோப்பிய ஒன்றியத்தின் தகவலின்படி, பயன்பாடின்றி இருக்கும் சார்ஜர்கள் ஒவ்வொரு ஆண்டும் ஐரோப்பாவில் 11,000 டன் குப்பையை உருவாக்குகின்றன.

அனைத்து சாதனங்களுக்கும் ஒரு சார்ஜர். இந்த நடவடிக்கை பயனர்களுக்கு ஒரே ஒரு சார்ஜரைப் பயன்படுத்தி பல்வேறு சாதனங்களை சார்ஜ் செய்யும் வசதியையும் வழங்குகிறது.

இந்த ஐரோப்பிய உத்தரவு, பிரான்சில் அமுல்படுத்தப்பட்டுள்ளதால், அனைத்து உற்பத்தியாளர்களுக்கும் பொருந்தும். ஆனால் இது பழைய சாதனங்களுக்கு பின்னோக்கி (retroactive) பொருந்தாது. எனவே இந்த ஞாயிற்றுக்கிழமைக்கு முன் விற்பனைக்கு வந்த மடிக்கணினிகள் தங்களது பழைய சார்ஜிங் போர்ட்டைத் தொடர்ந்து பயன்படுத்தலாம்.

தற்போது, இந்த விதி 100 வாட்ஸ் அல்லது அதற்குக் குறைவான சக்தி கொண்ட கணினிகளுக்கு மட்டுமே பொருந்தும். அதனால், கேமிங் கணினிகள் இதில் சேர்க்கப்படவில்லை. மேலும், USB-C போர்ட் பொருத்த முடியாத அளவுக்கு சிறிய சில சாதனங்களும் இந்த விதியில் இருந்து விலக்கு பெறுகின்றன.