பரிஸில் யூத ஆரம்ப பாடசாலை சேதம்: விசாரணை ஆரம்பம்!!

பரிஸின் 20வது வட்டாரத்தில் அமைந்துள்ள Beth Loubavitch - Beth Hannah என்ற யூத ஆரம்ப பாடசாலை சனிக்கிழமை இரவு சேதப்படுத்தப்பட்டுள்ளது. 

பல நபர்கள் பாடசாலை கட்டிடத்தை தாக்கியதாக அரசு தரப்பு தெரிவித்துள்ளது. சேதப்படுத்தலின் போது பாடசாலையில் மூன்று கண்ணாடி ஜன்னல்கள் உடைக்கப்பட்டுள்ளன; கண்காணிப்பு கேமரா மற்றும் கட்டிடத்தில் இருந்த பெயர்ப்பலகை அகற்றப்பட்டுள்ளன. அந்த பலகை அருகிலுள்ள ஒரு பூங்காவில் மீட்கப்பட்டது. 

பாடசாலையின் உள்ளே யாரும் நுழையவில்லை என்றும் அதிகாரிகள் தெரிவித்துள்ளனர். இந்த சம்பவம் மதத்தை  காரணமாக வைத்து மேற்கொள்ளப்பட்ட குழு சேதப்படுத்தல் என்ற குற்றச்சாட்டின் கீழ் விசாரணை தொடங்கப்பட்டுள்ளது. 20வது மாவட்ட மேயர் இந்த தாக்குதலை கடுமையாக கண்டித்து, மாணவர்களின் பாதுகாப்பு மிக முக்கியமானது என தெரிவித்துள்ளார். 

உள்துறை அமைச்சகத்தின் தகவலின்படி, 2024 ஆம் ஆண்டில் பிரான்சில் 1,570 யூத விரோதச் சம்பவங்கள் பதிவாகியுள்ளன. யூத சமூகத்தின் பாதுகாப்பை உறுதிப்படுத்த அரசு «யூத சமூகத்தின் பாதுகாப்பில் எந்தவித சலனமும் இருக்காது» என உள்துறை அமைச்சர் உறுதியளித்துள்ளார்.