ஐரோப்பிய ஒன்றியம் குடியேற்றக் கொள்கையை கடுமையாக்க ஒப்புதல்!!

ஐரோப்பிய ஒன்றியத்தின் 27 நாடுகள், குடியேற்றக் கொள்கையை கடுமையாக்கும் புதிய நடவடிக்கைகளுக்கு ஒப்புதல் அளித்துள்ளன. இதில், தஞ்சம் புகுவோரின் கோரிக்கை நிராகரிக்கப்பட்ட குடியேற்றவாசிகளை ஐரோப்பிய ஒன்றிய எல்லைகளுக்கு வெளியே உள்ள மையங்களுக்கு அனுப்புதல், ஐரோப்பாவை விட்டு செல்ல மறுப்பவர்களுக்கு கடுமையான தண்டனைகள் வழங்குதல், மேலும் அவர்கள் சொந்த நாடு அல்லாத “பாதுகாப்பான” நாடுகளுக்கு திருப்பி அனுப்புதல் ஆகியவை அடங்கும். 

இந்த சட்டங்கள் இன்னும் ஐரோப்பிய பாராளுமன்றத்தில் அங்கீகரிக்கப்பட வேண்டியுள்ளது. டென்மார்க் இந்த கடுமையான மாற்றங்களுக்கு முன்னிலை வகிக்க, பிரான்ஸ் மற்றும் ஸ்பெயின் அதன் சட்டப்பூர்வத்தன்மை மற்றும் பயன்தன்மை குறித்து சந்தேகத் தோரணையில் உள்ளன.

மேலும் கிரீஸ் மற்றும் இத்தாலி போன்ற இடம்பெயர்வு வழிகளில் உள்ள நாடுகளின் மீதான அழுத்தத்தைக் குறைக்க, ஐரோப்பிய ஒன்றியம் விரைவில் மற்ற உறுப்பு நாடுகளை புகலிடம் கோருபவர்களை தங்கள் பகுதிக்கு மாற்ற வேண்டும் அல்லது, அவ்வாறு செய்யத் தவறினால், அழுத்தத்தில் உள்ள நாடுகளுக்கு புகலிடம் கோருபவர்களுக்கு €20,000  தொகையை செலுத்த வேண்டும். 

2026 ஜூன் மாதத்தில் அமுலுக்கு வரும் இந்த திட்டம், மனித உரிமை அமைப்புகள் மற்றும் இடதுசாரி கட்சிகளின் எதிர்ப்பையும் எழுப்பியுள்ளது.