Saint-Ouen சிறுவர்களுக்கு ஊரடங்கு! - பொதுமக்கள் விசனம்!!

Saint-Ouen நகரில் சிறுவர்களுக்கு இரவு நேரத்தில் ஊரடங்கு பிறப்பிக்கப்பட்டுள்ளது. பல வாரங்களாக இந்த தடை தொடர்வதாகவும், அதனை நீக்க வேண்டும் எனவும் குறித்த நகரில் வசிக்கும் மக்கள் விசனம் தெரிவித்துள்ளனர்.

Saint-Ouen நகரில் 16 வயதுக்கு குறைந்த சிறுவர்களுக்கு கடந்த ஜூலை 16 ஆம் திகதி முதல் இரவு நேரங்களில்  வெளியே செல்ல தடை விதிக்கப்பட்டுள்ளது. இரவு 11 மணியில் இருந்து காலை 6 மணிவரை இந்த தடை விதிக்கப்பட்டுள்ளது.

இந்நிலையில், இந்த தடையினை நீக்கச் சொல்லி நகர மக்கள் தொடர்ச்சியாக வலியுறுத்தி வருகின்றனர். இது விடுமுறை காலமாகவும், வெப்பமான காலமாகவும் இருப்பதால், இந்த தடையை நீக்குமாறு பொதுமக்கள் கோரிக்கை விடுத்துள்ளனர்.