சூடானில் தீவிரமடையும் உள்நாட்டுப் போர் - RSF drone தாக்குதலில் 19 பேர் உயிரிழப்பு

சூடானில் தொடரும் உள்நாட்டுப் போரில் எல்-ஓபெய்ட் சிறை மீது RSF drone தாக்குதல்  நடத்தியுள்ளது.

வட ஆப்பிரிக்க நாடான சூடானில் கடந்த 2023 ஆம் ஆண்டு ஏப்ரல் மாதம் வெடித்த உள்நாட்டுப் போர் நாளுக்கு நாள் தீவிரமடைந்து வருகிறது.

சூடான் ராணுவத்துக்கும், கிளர்ச்சியாளர்களாக மாறிய பாராளுமன்ற துணை ராணுவப் படையினருக்கும் (RSF) இடையே நடைபெற்று வரும் இந்த மோதல், அப்பகுதி மக்களின் வாழ்வாதாரத்தையும், பாதுகாப்பையும் கேள்விக்குறியாக்கியுள்ளது.

துரதிர்ஷ்டவசமாக, சமீபத்தில் வடக்கு கோர்டோஃபான் மாநிலத்தின் தலைநகரான எல்-ஓபெய்டில் உள்ள ஒரு சிறைச்சாலையை குறிவைத்து சனிக்கிழமை அன்று RSF நடத்திய drone தாக்குதல் பெரும் அதிர்ச்சியை ஏற்படுத்தியுள்ளது.

ராணுவக் கட்டுப்பாட்டில் உள்ள இந்த நகரில் நிகழ்ந்த இந்த கோரத் தாக்குதலில் 19 பேர் உயிரிழந்ததுடன், 45 பேர் படுகாயமடைந்தனர்.

பாதுகாப்பு மிகுந்த ராணுவ பகுதியிலேயே இத்தகைய தாக்குதல் நடத்தப்பட்டிருப்பது, சூடானில் பொதுமக்கள் எந்த நேரத்திலும் ஆபத்தை சந்திக்க நேரிடும் என்ற அச்சத்தை அதிகரித்துள்ளது.

இதற்கு முன்னதாக, வெள்ளிக்கிழமை மாலை டார்பூரில் நடத்தப்பட்ட வான்வழி தாக்குதலில் ஒரே குடும்பத்தை சேர்ந்த 14 பேர் பரிதாபமாக உயிரிழந்தனர்.

இந்தத் தாக்குதலையும் RSF தான் நடத்தியதாக நம்பகமான வட்டாரங்கள் தெரிவிக்கின்றன.

இந்தத் தொடர்ச்சியான கொடிய சம்பவங்கள், ராணுவத்தின் கட்டுப்பாட்டில் உள்ள இடைக்காலத் தலைநகரான போர்ட் சூடானில் RSF நடத்திய தொடர் ட்ரோன் தாக்குதல்களைத் தொடர்ந்து நிகழ்ந்துள்ளன.