Mont Blanc : மலையேற்றவாதிகள் நால்வரது சடலங்கள் மீட்பு!

மலையேற்றத்தில் ஈடுபட்டிருந்த நால்வரது சடலங்கள் மீட்கப்பட்டுள்ளன. Mont Blanc மலையில் பணிபுரியும் மீட்புப்படையினர் இந்த சடங்களை மீட்டுள்ளனர்.

நேற்று செப்டம்பர் 10, செவ்வாய்க்கிழமை அவர்களது சடலம் மீட்கப்பட்டிருந்தன. கொரியா மற்றும் இத்தாலியைச் சேர்ந்த நால்வர் கடந்த செப்டம்பர் 6, வெள்ளிக்கிழமை மலையேற்றத்தில் ஈடுபட்டதாகவும், அதன் பின்னர் அவர்கள் குறித்த தகவல்களை அறியமுடியவில்லை எனவும் தெரிவிக்கப்பட்ட நிலையில், அவர்களை தேடும் முயற்சி இடம்பெற்றது.

இந்நிலையில், நேற்று பிற்பகல் 1.30 மணி அளவி அவர்களது சடலங்கள் அடையாளம் காணப்பட்டு மீட்கப்பட்டன. கடல் மட்டத்தில் இருந்து 4,100 மீற்றர் உயரத்தில் இந்த சடலங்கள் மீட்கப்பட்டதாக தெரிவிக்கப்படுகிறது.