நான் வேற்றுகிரகவாசி ஆனால் யாரும் இதை நம்பவில்லை - எலோன் மஸ்க் 

உலகின் மிகப்பாரிய பணக்காரரான எலோன் மஸ்க் (ElonMusk) தான் ஒரு வேற்றுகிரகவாசி என்று கூறியுள்ளார்.

Tesla மற்றும் SpaceX தலைமை நிர்வாக அதிகாரி எலோன் மஸ்க் சமீபத்தில் பாரிஸில் நடந்த Viva Tech நிகழ்ச்சியில் கலந்து கொண்டனர்.

அப்போது, வேற்றுகிரக உயிரினங்கள் குறித்து அவர் கூறிய கருத்து வைரலாக பரவியது.

வேற்று கிரக உயிரினம் என்று நீங்கள் அடிக்கடி கேள்விப்படுகிறீர்களா என்று கேட்டதற்கு, மஸ்க் சிரித்துக்கொண்டே பதிலளித்தார்.

"ஆம், நான் ஒரு வேற்றுகிரகவாசி. இதை ஆரம்பத்திலிருந்தே சொல்லி வருகிறேன். நான் வேற்றுகிரகவாசி ஆனால் யாரும் இதை நம்பவில்லை. இருப்பினும், ஏலியன்கள் வாழ்வதற்கான ஆதாரம் கிடைத்தால், அதை கண்டிப்பாக Xல் பகிர்ந்து கொள்வேன் என்று கூறினார்.

"ஒருவேளை இந்த விண்மீன் மண்டலத்தில் நாம் தனியாக இருக்கலாம், ஒருவேளை அது நாம் மட்டும்தான், நமது உணர்வு மிகவும் உடையக்கூடியதாக இருக்கலாம்" என்றார்.

மேலும், எலோன் மஸ்க் செவ்வாய் கிரகத்தில் உள்ள உயிர்களைப் பற்றியும் பேசியுள்ளார்.

"அடுத்த 10 ஆண்டுகளில், ஒருவேளை ஏழு முதல் எட்டு ஆண்டுகளில், செவ்வாய் கிரகத்தில் முதல் மனிதனைப் பார்ப்போம் என்று நான் நினைக்கிறேன். அதுதான் SpaceX இன் நீண்ட கால இலக்கு.

மேலும் வாழக்கூடிய கிரகங்களை உருவாக்குவது, ஒரு நிலையான பல-கோள் நாகரிகம், அது சாத்தியமாகும் போது, பூமியின் வரலாற்றில் முதல் முறையாக, அந்த திறன் குறுகிய காலத்திற்கு மட்டுமே திறந்திருக்கும்," என்று அவர் கூறினார்.

OpenAI மற்றும் கூகுளின் Gemini-யை விமர்சித்த அவர், "AI உண்மையாக இருக்க பயிற்சியளிக்கப்பட வேண்டும். அரசியல் ரீதியாக சரியானதாக உருவாக்கப்படக்கூடாது. அரசியல் ரீதியாக சரியாக இருப்பது உண்மை என்று அர்த்தமல்ல. பொய் சொல்ல நீங்கள் AI-க்கு பயிற்சி அளிக்கிறீர்கள் என்று அர்த்தம். எதிர்காலத்தில் நேர்மையே சிறந்த கொள்கையாக அமையும்." என்றார்.