புதிய Siri-யை அறிமுகப்படுத்தவுள்ள Apple

Apple நிறுவனம் தனது Siri குரல் உதவியாளரை (voice assistant) மேம்படுத்தும் முயற்சியில், Google-ன் Gemini AI மாடல்களையும் NVIDIA-வின் Blackwell B200 சிப்களையும் பயன்படுத்த திட்டமிட்டுள்ளது.

இந்த புதிய Siri, AI அடிப்படையிலான மேம்பட்ட வசதிகளுடன் WWDC 2026 மாநாட்டில் அறிமுகமாகும் என தகவல்கள் தெரிவிக்கின்றன.

NVIDIA-வின் Blackwell B200 GPU-கள், பெரிய AI மாடல்களை பயிற்சி செய்யவும் இயக்கவும் வடிவமைக்கப்பட்டவை.

Apple, Google Cloud-இல் உள்ள இந்த சிப்களை பயன்படுத்தி Siri-யின் AI கேள்விகளை செயலாக்க உள்ளது.

மேலும், பயனர்களின் தரவு பாதுகாப்பை உறுதி செய்ய, NVIDIA-வின் “Confidential Compute” தொழில்நுட்பம் பயன்படுத்தப்படும். இது, GPU-வில் தரவு செயலாக்கப்படும் போதே encryption செய்வதால், தனியுரிமை பாதுகாப்பு வலுப்படும்.

Apple-ன் Private Cloud Compute அமைப்பு Siri-யின் புதிய பதிப்பில் எவ்வாறு இணைக்கப்படும் என்பது இன்னும் தெளிவாகவில்லை.

ஆனால், இந்த கூட்டணி, Siri-யை AI அடிப்படையிலான சக்திவாய்ந்த உதவியாளராக மாற்றும் நடவடிக்கையாக கருதப்படுகிறது.