வாக்காளர்களுக்கு தங்கம், வெள்ளி; கரூரில் தி.மு.க., - அ.தி.மு.க., சப்ளை?

கரூர் தொகுதியில், நேற்று தி.மு.க., சார்பில் தங்க காசும், அ.தி.மு.க., சார்பில் வெள்ளி காசும் வழங்கப்பட்டதாக கூறப்படுகிறது.

கரூர் மாவட்டத்தில், கரூர், குளித்தலை, கிருஷ்ணராயபுரம், அரவக்குறிச்சி ஆகிய நான்கு தொகுதிகள் உள்ளன.

தி.மு.க., - அ.தி.மு.க., நேரடி போட்டியில் உள்ளன. கரூர் தொகுதியில் தி.மு.க., சார்பில் ஆசி. தியாகராஜன், அ.தி.மு.க., சார்பில் முன்னாள் அமைச்சர் விஜயபாஸ்கர் உட்பட பலர் போட்டியிடுகின்றனர்.

கடந்த ஏப்.,17 இரவு, தி.மு.க., தரப்பில், ஒரு ஓட்டுக்கு, 6,000 ரூபாய்; அ.தி.மு.க., தரப்பில், ஒரு ஓட்டுக்கு 3,000 ரூபாய் பட்டு வாடா செய்யப்பட்டதாக கூறப்பட்டது.

இந்நிலையில், நேற்று அதிகாலை தி.மு.க., சார்பில், அரை கிராம் தங்க காசு; அ.தி.மு.க., சார்பில், நான்கு கிராம் வெள்ளி காசு வழங்கப் பட்டதாக கரூர் வாக்காளர்கள் கூறினர்.