அபிஷேக் ஷர்மா சிக்ஸர் மழையில் சதம்! சன்ரைசர்ஸ் அபார வெற்றி

சன்ரைசர்ஸ் ஐதராபாத் அணி 47 ஓட்டங்கள் வித்தியாசத்தில் டெல்லி கேபிட்டல்ஸை வீழ்த்தியது.

ஐபிஎல் 2026யின் 31வது போட்டியில் சன்ரைசர்ஸ் ஐதராபாத் மற்றும் டெல்லி கேபிட்டல்ஸ் அணிகள் மோதின.

முதலில் ஆடிய சன்ரைசர்ஸ் ஐதராபாத் அணியில் ட்ராவிஸ் ஹெட் 37 (26) ஓட்டங்களும், இஷான் கிஷண் 25 (13) ஓட்டங்களும் விளாசி ஆட்டமிழந்தனர்.

மறுமுனையில் அபிஷேக் ஷர்மா சிக்ஸர்களை பறக்கவிட்டு வாணவேடிக்கை காட்டினார். 47 பந்துகளில் சதம் அடித்த அவர், ஆட்டமிழக்காமல் 68 பந்துகளில் 135 ஓட்டங்கள் விளாசினார். அவரது ஸ்கோரில் 10 சிக்ஸர்கள், 10 பவுண்டரிகள் அடங்கும்.

ஹெய்ன்ரிச் கிளாசென் 13 பந்துகளில் 3 சிக்ஸர்கள், 3 பவுண்டரிகளுடன் 37 ஓட்டங்கள் விளாசினார். இதன்மூலம் சன்ரைசர்ஸ் ஐதராபாத் அணி 2 விக்கெட்டுகள் இழப்பிற்கு 242 ஓட்டங்கள் குவித்தது.

பின்னர் களமிறங்கிய டெல்லி கேபிட்டல்ஸ் அணியில் நிசங்கா 8 ஓட்டங்களில் அவுட் ஆனார். அடுத்து கே.எல்.ராகுல், நிதிஷ் ராணா கூட்டணி அதிரடியில் மிரட்டியது.

கே.எல்.ராகுல் 23 பந்துகளில் 37 ஓட்டங்கள் விளாசி ஆட்டமிழக்க, நிதிஷ் ராணா அரைசதம் அடித்தார். அவர் 30 பந்துகளில் 57 ஓட்டங்கள் குவித்து அவுட் ஆனார்.  

பின்னர் சமீர் ரிஸ்வி 41 (28) ஓட்டங்களும், ட்ரிஸ்டன் ஸ்டப்ஸ் 27 (16) ஓட்டங்களும் விளாச, இஷான் மலிங்கா மற்றும் ஹரிஷ் தூபேயின் அசத்தலான பந்துவீச்சில் டெல்லி அணி விக்கெட்டுகளை பறிகொடுத்தது.

டெல்லி கேபிட்டல்ஸ் 20 ஓவர்களில் 9 விக்கெட்டுகள் இழப்பிற்கு 195 ஓட்டங்கள் எடுத்ததால், சன்ரைசர்ஸ் ஐதராபாத் 47 ஓட்டங்கள் வித்தியாசத்தில் வெற்றி பெற்றது.

பின்னர் சமீர் ரிஸ்வி 41 (28) ஓட்டங்களும், ட்ரிஸ்டன் ஸ்டப்ஸ் 27 (16) ஓட்டங்களும் விளாச, இஷான் மலிங்கா மற்றும் ஹரிஷ் தூபேயின் அசத்தலான பந்துவீச்சில் டெல்லி அணி விக்கெட்டுகளை பறிகொடுத்தது.

டெல்லி கேபிட்டல்ஸ் 20 ஓவர்களில் 9 விக்கெட்டுகள் இழப்பிற்கு 195 ஓட்டங்கள் எடுத்ததால், சன்ரைசர்ஸ் ஐதராபாத் 47 ஓட்டங்கள் வித்தியாசத்தில் வெற்றி பெற்றது.