சார்ள்-து-கோல் பாதுகாக்கும் நெதர்லாந்து போர்க்கப்பல் கப்பல் மீது உளவு!

பிரான்சின் பாரிய விமானம் தாங்கி போர்க்கப்பல் சார்ள்-து-கோல் (Charles‑de‑Gaulle) போர்க்கப்பலை பாதுகாக்கும் நெதர்லாந்து போர்க்கப்பல் Evertsen, ஒரு  தொர்பு அற்ற அடையாளமறிதல் கருவி (Bluetooth traceur) ஒரு அஞ்சல் அட்டை, இரண்டு தபால் தலைகள் மட்டுமே பயன்படுத்தி இடம் கண்டறியப்பட்டிருப்பது பாதுகாப்பு வட்டாரங்களில் கவலை ஏற்படுத்தியுள்ளது.

இந்தச் சம்பவம், ஒரு மாதத்திற்கு முன் Strava பயன்பாட்டின் மூலம் Charles‑de‑Gaulle-ன் இருப்பிடம் வெளிப்பட்ட விவகாரத்திற்குப் பிறகு, இரண்டாவது பாதுகாப்பு குறைபாடாக கருதப்படுகிறது.

விசாரணை எப்படி நடந்தது?

நெதர்லாந்து ஊடகமான Omroep Gelderland, Evertsen கப்பலின் பாதுகாப்பைச் சோதிக்க முயன்றது.

அவர்கள்:

இணையத்தில் 5 யூரோக்கு வாங்கியஅடையாளமறிதல் கருவி (Bluetooth traceur) ஒன்றை ஒரு அஞ்சல் அட்டைக்குள் மறைத்து நெதர்லாந்து இராணுவத்தின் இராணுவ தபால் ஒன்றியத்தின்  (Organisation postale militaire)  மூலம் Evertsen கப்பலுக்கு அனுப்பினர்.

அஞ்சல் அட்டைகள் X‑ray சோதனைக்கு உட்படுத்தப்படவில்லை என்பதால், அடையாளமறிதல் கருவி கப்பலுக்குள் எளிதாக சென்றது.

அதன் மூலம் Evertsen கப்பலின் கடலில் இருந்தபோதைய துல்லியமான இருப்பிடம்  சில மணி நேரங்களுக்குள் கண்டறியப்பட்டது.

ஏன் இது மிகப் பெரிய பாதுகாப்பு பிரச்சினை?

முன்னாள் நெதர்லாந்து லெப்டினன்ட்‑ஜெனரல் De Kruif

“ஒரு போர்க்கப்பலின் இருப்பிடம் வெளிப்படக் கூடாது.”
“இன்றைய காலத்தில் தூரத்திலிருந்தே மிகத் துல்லியமாக தாக்க முடியும்.”
“அதற்காக முதலில் இலக்கின் இருப்பிடம் தெரிந்திருக்க வேண்டும்.”

Evertsen போன்ற கப்பல்கள், Charles‑de‑Gaulle-ஐ
ஏவுகணை தாக்குதல்களிலிருந்து பாதுகாக்கும் முக்கிய பங்கு வகிக்கின்றன.
அதனால், அதன் இருப்பிடம் வெளிப்படுவது மிகவும் ஆபத்தானது.

எனத் தெரிவித்தார்

பாதுகாப்பு குறைபாடு எங்கு இருந்தது?

ஊடகமான Omroep Gelderland விளக்கம்:

இராணுவ தபால் சேவைக்கு அனுப்பப்படும் கூடைகள் X‑ray சோதனைக்கு உட்படுகின்றன
ஆனால் அஞ்சல் அட்டைகள் / உறைகள் சோதனை செய்யப்படவில்லை
இதனால் அடையாளமறிதல் கருவி எளிதாக கப்பலுக்குள் சென்றது

இது பாதுகாப்பு நடைமுறைகளில் தெளிவான குறைபாடு என ஊடகம் குறிப்பிட்டுள்ளது.

அதிகாரிகளின் பதில்

நெதர்லாந்து பாதுகாப்பு அமைச்சகம்:

இந்தச் சம்பவத்திற்குப் பிறகு உடனடி மாற்றங்கள் செய்யப்பட்டுள்ளன
இனிமேல் அனைத்து உறைகளும் X‑ray சோதனைக்கு உட்படுத்தப்படும்
மின்சாதனங்கள் அல்லது பேட்டரி கொண்ட பொருட்கள் தபாலில் அனுப்பத் தடை செய்யப்படும்

இந்தச் சம்பவம்

நவீன இராணுவ பாதுகாப்பு அமைப்புகள்
→ சாதாரண நுகர்வோர் தொழில்நுட்பத்தால் கூட பாதிக்கப்படலாம் என்பதை காட்டுகிறது

சார்ள்-து-கோல்மற்றும் அதன் பாதுகாப்பு கப்பல்களின்
→ இருப்பிட ரகசியம் மிக முக்கியம் என்பதை மீண்டும் நினைவூட்டுகிறது

இராணுவ தபால் பாதுகாப்பு நடைமுறைகள்
→ முழுமையாக மறுபரிசீலனை செய்யப்பட வேண்டிய நிலை உருவாகியுள்ளது