நேரசூசியில் கோட்டைவிட்ட TGV, Intercity, TER சேவைகள்!!

கடந்த 2025 ஆம் ஆண்டில் நேரசூசியினை கடைப்பிடித்த பொது போக்குவரத்து பட்டியல் வெளியிடப்பட்டுள்ளது. அதில் மிக மோசமான தாமதங்களை எதிகொண்ட சேவையாக TGV, Intercity, TER போன்றவை உள்ளன.

TGV இன் Inoui மற்றும் Ouigo போன்ற சேவைகள் 78.6% சதவீதமான சேவைகள் மட்டுமே ‘குறித்த நேரத்தில்’ இயங்கியுள்ளன. முந்தைய 2024, 2023 ஆம் ஆண்டுகளோடு ஒப்பிடுகையில் இது குறைவாகும்.

அதேவேளை, Intercity சேவைகளும் இந்த பட்டியலில் உள்ளன. 74.4% சதவீதமான சேவைகள் மாத்திரமே ‘சொன்ன நேரம்’ கடைப்பிடித்துள்ளது.

TER சேவைகள் கொஞ்சம் பரவாயில்லை ரகம். 90.6% சேவைகள் நேரசூசியை கடைப்பிடித்துள்ளன.

இந்த பட்டியலில் சிறப்பாக கடைப்பிடித்த சேவையாக இல்-து-பிரான்சுக்குள் இயங்கும் Transilien சேவைகள் 94% சதவீதமான சேவைகள் ‘சொன்ன சொல்லைக் காப்பாற்றுவான் இந்த கோட்டைசாமி!’ என நேரகாலத்தோடு செயற்பட்டுள்ளன.

ஒவ்வொரு ஆண்டும் இந்த போக்குவரத்து நேரசூசி பட்டியல் வெளியிடப்படுகிறமை குறிப்பிடத்தக்கது.