கல்வி நேர அட்டவணை மாற்றம் குறித்து ஜனாதிபதியின் முன்மொழிவு!!

ஜனாதிபதி எமானுவல் மக்ரோன், கல்லூரி மற்றும் உயர்நிலைப் பாடசாலை மாணவர்களுக்கு பாடசாலை நாட்கள் குறுகியதாக இருக்க வேண்டும் என்றும், காலை சற்று தாமதமாக வகுப்புகள் தொடங்கி சீக்கிரம் முடிவடைய வேண்டும் என்றும் தெரிவித்துள்ளார். இதனால் மாணவர்கள் விளையாட்டு மற்றும் பண்பாட்டு செயல்பாடுகளில் ஈடுபட முடியும் என்றும், குறைந்த வேலைப்பளு கொண்ட நாட்கள் இருந்தால் கற்றல் திறன் மேம்படும் என்றும் அவர் கூறியுள்ளார்.

மேலும், 15 வயதுக்குக் குறைந்தவர்களுக்கு சமூக வலைதளங்களைத் தடை செய்வதையும் அவர் ஆதரித்துள்ளார். இதற்குப் பதிலாக, கோடை விடுமுறைகள் சற்று குறைக்கப்படலாம் என்றும், ஒரு மாத அளவிலான விடுமுறை போதுமானதாக இருக்கும் என்றும் மக்ரோன் கூறியுள்ளார். 

பிரான்சில் விடுமுறைகள் மிக நீண்டவை என்பதால், சமூக அநீதி உருவாகிறது என்றும், குறிப்பாக பொருளாதார ரீதியாக பின்தங்கிய குடும்பங்களின் குழந்தைகள் விடுமுறைக்காலத்தில் அதிகமாக கற்றதை மறக்கிறார்கள் என்றும் அவர் விளக்கி உள்ளார். ஆனால், பாடசாலை நேர அட்டவணை மாற்றம் அரசின் முடிவாகும் என்றும், இந்த விவாதம் 2027க்கு தள்ளிவைக்கப்பட்டுள்ளதாகவும் குறிப்பிடப்பட்டுள்ளது.