போதைப்பொருள்: MDMA மற்றும் எக்ஸ்டசி பயன்பாடு 480 சதவீதமாக உயர்வு!!

Observatoire français des drogues et des tendances addictives (OFDT) வெளியிட்ட ஆய்வின் படி, பிரான்சில் MDMA அழைக்கப்படும் எக்ஸ்டசி (ecstasy) என்ற செயற்கை போதைப்பொருளின் பயன்பாடு கடந்த 13 ஆண்டுகளில் 480% அதிகரித்து, 2023ஆம் ஆண்டில் மட்டும் 65.6 மில்லியன் மாத்திரைகளாக உயர்ந்துள்ளது.

2024ஆம் ஆண்டு 9 மில்லியனுக்கும் மேற்பட்ட MDMA மாத்திரைகள் பறிமுதல் செய்யப்பட்டுள்ளன (123% உயர்வு), ஆனால் அவற்றில் 75% வெளிநாடுகளுக்கு கடத்தப்படவிருந்தவையாகும். ஐரோப்பா உலகளவில் முக்கிய விநியோகஸ்தராக உள்ளது; குறிப்பாக Pays-Bas (நெதர்லாந்து) மற்றும் Belgique (பெல்ஜியம்) ஆகியவை உற்பத்தியின் முக்கிய மையங்களாகும். 

2023ஆம் ஆண்டு MDMA விற்பனை மதிப்பு 312.5 மில்லியன் யூரோக்களாக மதிப்பிடப்பட்டுள்ளது. மேலும், 2024ஆம் ஆண்டு பிரான்சில் 53.5 டன் கோகைன் பறிமுதல் செய்யப்பட்டது (130% உயர்வு). 2023ஆம் ஆண்டு 47 டன் பயன்படுத்தப்பட்டுள்ளது; இதன் சந்தை மதிப்பு 3.1 பில்லியன் யூரோக்களாகும், இது கஞ்சா விற்பனையை விட அதிகம். 

கஞ்சா பறிமுதல் 2024ஆம் ஆண்டு 101 டன்னாக குறைந்துள்ளது (19% குறைவு). ஹெரோயின் பறிமுதல் 2022ஆம் ஆண்டு உச்சமான 1.4 டன்னிலிருந்து 2024ஆம் ஆண்டு 1 டனாக குறைந்துள்ளது.