T20 உலகக் கோப்பையில் வரலாற்றுச் சாதனை படைத்த பும்ரா

இந்தியாவின் வேகப்பந்து வீச்சாளர் ஜஸ்பிரித் பும்ரா, 2026 T20 உலகக் கோப்பை சூப்பர் 8 சுற்றில் தென் ஆப்பிரிக்காவுக்கு எதிரான போட்டியில் வரலாற்றுச் சாதனை படைத்தார்.

அகமதாபாத் நகரில் நடந்த இந்த ஆட்டத்தில் பும்ரா 3 விக்கெட்டுகளை 15 ஓட்டங்களுக்கு வீழ்த்தினார்.

இதன் மூலம், அவர் T20 உலகக் கோப்பை வரலாற்றில் இந்தியாவின் மிக அதிக விக்கெட்டுகள் எடுத்த பந்துவீச்சாளராக உயர்ந்தார்.

இதற்கு முன் 32 விக்கெட்டுகளுடன் இருந்த ஆர்.அஷ்வின் சாதனையை பும்ரா முறியடித்து, தற்போது 33 விக்கெட்டுகளுடன் முன்னிலையில் உள்ளார்.

பும்ரா, குவின்டன் டி காக், ரையன் ரிக்கெல்டன், கார்பின் போஷ் ஆகியோரின் விக்கெட்டுகளை கைப்பற்றினார்.

தென் ஆப்பிரிக்கா ஆரம்பத்தில் 20/3 என்ற நிலையில் சிக்கியிருந்தாலும், டேவிட் மில்லர் (63 ஓட்டங்கள்) மற்றும் டிவால்ட் பிரேவிஸ் (45 ஓட்டங்கள்) இணைந்து 97 ஓட்டங்கள் கூட்டணி அமைத்து அணியை மீட்டனர். இறுதியில் அவர்கள் 187/7 என்ற நல்ல எண்ணிக்கையை பதிவு செய்தனர்.

பும்ரா மற்றும் அர்ஷ்தீப் சிங் (2/28) இறுதியில் விக்கெட்டுகளை வீழ்த்தி இந்தியாவுக்கு மீண்டும் கட்டுப்பாட்டை பெற்றுத்தந்தனர். ஆனால் ட்ரிஸ்டன் ஸ்டப்ஸ் (44 ஓட்டங்கள், 24 பந்துகள்) கடைசி ஓவரில் 2 சிக்ஸர்கள் அடித்து தென் ஆப்பிரிக்காவை வலுவான நிலையில் நிறுத்தினார்.

இப்போட்டியில் தென் ஆப்பிரிக்கா 76 ஓட்டங்கள் வித்தியசத்தில் வெற்றி பெற்றது.

இந்த சாதனை, பும்ராவை இந்திய T20 உலகக் கோப்பை வரலாற்றின் மிகப்பெரிய பந்துவீச்சாளராக நிலைநிறுத்தியுள்ளது.