இலங்கையில் பாடசாலை விடுமுறை தொடர்பில் வெளியான அறிவிப்பு

2026 ஆம் ஆண்டுக்கான பாடசாலை முதல் தவணையின்  முதல் கட்டம் இன்று (13) முடிவடைந்ததாக கல்வி அமைச்சு அறிவித்துள்ளது.

அதன்படி, அனைத்து அரச மற்றும் அரச அங்கீகாரம் பெற்ற பாடசாலைகளுக்கும் இன்று முதல் மார்ச் 2 வரை விடுமுறை அளிக்கப்படும் என்று கல்வி அமைச்சு தெரிவித்துள்ளது.

முதல் தவணையின் இரண்டாம் கட்டத்தை மார்ச் 3 ஆம் திகதி தொடங்க அமைச்சு முடிவு செய்துள்ளது, இது ஏப்ரல் 10 வரை தொடர திட்டமிடப்பட்டுள்ளது.

இதே நேரத்தில், க.பொ.த. சாதாரண தர (2025) தேர்வு பிப்ரவரி 17 ஆம் திகதி தொடங்க உள்ளது.

தேர்வு பிப்ரவரி 17 முதல் பிப்ரவரி 26 வரை நடைபெறும் என்று  பரீட்சைகள் திணைக்களம் தெரிவித்துள்ளது.

இந்த ஆண்டு சாதாரண தர தேர்வை நாடு முழுவதும் 3,545 மையங்களில் நடத்த திணைக்களம் ஏற்பாடு செய்துள்ளது.

மேலும், பிப்ரவரி 11 நள்ளிரவு முதல் தேர்வு தொடர்பான அனைத்து கல்வி வகுப்புகள், கருத்தரங்குகள் மற்றும் பட்டறைகளையும் தடை செய்வதற்கான நடவடிக்கைகள் செயல்படுத்தப்பட்டுள்ளன.