ரஷ்யாவின் விளாடிமிர் புடினின் வீட்டை குறிவைத்து உக்ரைன் ட்ரோன் தாக்குதல்

ரஷ்யா, விளாடிமிர் புடினின் நோவ்கோரோட் இல்லத்தை குறிவைத்து உக்ரைன் ட்ரோன் தாக்குதல் நடந்ததாகக் கூறி, அதனைச் சேர்ந்த வீடியோவை வெளியிட்டுள்ளது.

டிசம்பர் 28 மாலை 7 மணியளவில், புடின் இல்லத்தை நோக்கி “மாஸ் ட்ரோன் தாக்குதல்” நடந்ததாக ரஷ்ய பாதுகாப்பு அமைச்சகம் தெரிவித்துள்ளது.

வெளியிடப்பட்ட வீடியோவில், பனியால் மூடப்பட்ட காடுகளில் சேதமடைந்த ட்ரோன் ஒன்று காணப்படுகிறது.

அந்த ட்ரோனில் “மனிதர்கள் மற்றும் குடியிருப்பு பகுதிகளை அழிக்கக்கூடிய உயர் வெடிகுண்டுகள்” பொருத்தப்பட்டிருந்ததாக ரஷ்யா கூறியுள்ளது.

இந்த தாக்குதல், தனிப்பட்ட முறையில் புடினை குறிவைத்து நடத்தப்பட்ட பயங்கரவாதத் தாக்குதல் என ரஷ்யா குற்றம் சாட்டியுள்ளது.

உக்ரைன் மற்றும் மேற்கு நாடுகளுக்கு எதிராக 202-2022ல் முன்வைத்த கோரிக்கைகளை மீண்டும் வலியுறுத்த ரஷ்யா இந்த சம்பவத்தை பயன்படுத்துவதாக Institute for the Study of War (ISW) தெரிவித்துள்ளது.

உக்ரைன், இந்த குற்றச்சாட்டை “பொய்” மற்றும் “அமைதி முயற்சிகளை திசைதிருப்பும் முயற்சி” எனக் கூறியுள்ளது.

ஐரோப்பிய ஒன்றியமும், இந்த வீடியோ அமைதி பேச்சுவார்த்தையை சிதைக்கும் முயற்சி என விமர்சித்துள்ளது.

அமெரிக்காவைச் சேர்ந்த ISW, “உக்ரைன் தாக்குதல் நடத்தியதை உறுதிப்படுத்தும் சான்றுகள் எதுவும் இல்லை” என தெரிவித்துள்ளது.

இந்த சம்பவம், உக்ரைன் ஜனாதிபதி வோலோடிமிர் ஜெலென்ஸ்கி மற்றும் அமெரிக்க ஜனாதிபதி டொனால்ட் டிரம்ப் இடையிலான சந்திப்பு நடந்த அதே காலகட்டத்தில் நிகழ்ந்துள்ளது.

இந்த குற்றச்சாட்டு, ரஷ்யா-உக்ரைன் போரின் அமைதி முயற்சிகளை மேலும் சிக்கலாக்கும் அபாயத்தை வெளிப்படுத்துகிறது.