குழந்தை பால்மா மாசுபாடு: சந்தேகத்தின் மையத்தில் சீன நிறுவனம்!!

குழந்தைகளுக்கான பால் கலவைகள் மாசடைந்த சம்பவத்தில், சீனாவின் வுகானில் (Wuhan) உள்ள Cabio Biotech என்ற நிறுவனம் முக்கிய சந்தேகத்தின் மையமாக உள்ளது. இந்த பால் கலவைகளில் உள்ள மாசுபாட்டிற்கு காரணமான இரசாயனப் பொருளை இந்த நிறுவனம் தயாரித்திருக்கலாம் என நம்பப்படுகிறது. 

பிரான்சில் இரண்டு விசாரணைகள் தொடங்கப்பட்டுள்ளன; இரண்டு குழந்தைகள் உயிரிழந்ததைத் தொடர்ந்து, Foodwatch அமைப்பும் எட்டு குடும்பங்களும் புகார் அளித்துள்ளனர். சீன அரசின் அதிகாரப்பூர்வ ஊடகங்களிலும் இந்த நிறுவனம் சாத்தியமான பொறுப்பாளராக குறிப்பிடப்பட்டுள்ளது. 

Nestlé நிறுவனம் பால் தயாரிப்புகளை சந்தையில் இருந்து திரும்பப் பெற்ற சில நாட்களுக்குப் பிறகு, Cabio Biotech நிறுவனத்தின் பங்குகள் ஷங்காய் (Shanghaï) பங்குச் சந்தையில் கடுமையாக சரிந்தன. நிறுவனம் இதுவரை தெளிவான பதில் அளிக்காமல், ஆய்வுகள் நடைபெற்று வருகின்றன என மட்டுமே தெரிவித்துள்ளது. இருப்பினும், அதன் எச்சரிக்கையைத் தொடர்ந்து Nutribio நிறுவனம் சில தயாரிப்புகளை விற்பனையிலிருந்து திரும்பப் பெற்றுள்ளது.

இந்த விவகாரம், 2008 ஆம் ஆண்டு சீனாவில் ஏற்பட்ட மெலமைன் (mélamine) கலந்த குழந்தை பால் ஊழலை மீண்டும் நினைவூட்டுகிறது. அப்போது இலட்சக்கணக்கான குழந்தைகள் பாதிக்கப்பட்டு, பலர் உயிரிழந்தனர். இந்த பின்னணியில், புதிய பால் மாசுபாட்டு விவகாரம் சீன மக்களிடையே மீண்டும் அச்சத்தையும் பால் தொழில்துறையின் மீது அவநம்பிக்கையையும் உருவாக்கியுள்ளது.