ஜூலை 3 வரை SNCF ரயில் டிக்கெட் முன்பதிவுகள் ஆரம்பம்!!

SNCF நிறுவனம் இன்று காலை, மார்ச் 30 முதல் ஜூலை 3 வரை நடைபெறும் பயணங்களுக்கு TGV INOUI, OUIGO, TER மற்றும் INTERCITÉS ரயில்களின் டிக்கெட்டுகளை முன்பதிவு செய்யலாம். இதில் வசந்தகால விடுமுறைகள் மற்றும் மே மாதத்தில் வரும் நீண்ட விடுமுறை நாட்களும் அடங்கும். 

கடந்த ஆண்டுடன் ஒப்பிடுகையில், டிக்கெட் விற்பனை 20% உயர்ந்துள்ளதாக SNCF Connect தெரிவித்துள்ளது. முன்பதிவு திறந்ததிலிருந்து SNCF Connect இணையதளமும் செயலியும் அதிக பயனர் வருகையை பதிவு செய்து வருகின்றன. சாதாரண நாளை விட இரட்டிப்பு அளவில் பார்வையாளர்கள் வந்துள்ளதாகவும், குறிப்பாக Ascension விடுமுறை, மே 1 விடுமுறை மற்றும் ஈஸ்டர் வார இறுதி காலங்களுக்கான டிக்கெட்டுகள் அதிகமாக விற்கப்பட்டுள்ளதாகவும் கூறப்படுகிறது.

SNCF Connect பயணிகளை முன்கூட்டியே டிக்கெட்டுகளை முன்பதிவு செய்யுமாறு கேட்டுக்கொள்கிறது. விற்பனை திறக்கும் நேரத்தில் முன்பதிவு செய்தால், சராசரியாக 45% வரை  சேமிக்க முடியும் என நிறுவனம் தெரிவிக்கிறது. மே மாதத்தில் பல நீண்ட வார இறுதிகள் இருப்பதால், பயண திட்டமிடலை முன்பே செய்வது பயனுள்ளதாக இருக்கும்.

மே மாதத்தில் மூன்று நீண்ட வார இறுதிகள் உள்ளன:

1. மே 1 வெள்ளிக்கிழமை முதல் மே 3 ஞாயிற்றுக்கிழமை வரை,
2. மே 8 வெள்ளிக்கிழமை முதல் மே 10 ஞாயிற்றுக்கிழமை வரை,
3. மே 15 வெள்ளிக்கிழமையை விடுப்பாக எடுத்தால், மே 14 வியாழக்கிழமை முதல் மே 17 ஞாயிற்றுக்கிழமை வரை ஒரு “சாத்தியமான” நீண்ட வார இறுதி இருப்பதை SNCF நினைவூட்டி உள்ளது.