ஈரானில் முடங்கிய இணைய சேவையை மீண்டும் கொண்டு வரும் முயற்சியில் ட்ரம்ப்

ஈரானில் பல நகரங்களில்  போரட்டங்ககளானது வெடித்துள்ள நிலையில் இணைய சேவையானது முடங்கியுள்ளது. அதனால் ஈரான் நாட்டின் நிலவரம் தொடர்பில் எவ்வித தகவலும் கிடைக்கவில்லை.

இந்நிலையில் அமெரிக்க ஜனாதிபதி டொனால்டு ட்ரம்ப், ஈரானில் இணையத்தை மீண்டும் கொண்டு வர எலான் மஸ்க் உதவியை நாட உள்ளார்.
ஈரானில் அரசு எதிர்ப்பு போராட்டங்கள் பல்வேறு நகரங்களில் தீவிரமாக நடைபெற்று வருகின்றன. 

இந்த சூழலில், அரசு இணைய சேவைகளை முடக்கியதால், போராட்டக்காரர்கள் உலகத்துடன் தொடர்பு கொள்ள முடியாமல் சிக்கலில் சிக்கியுள்ளனர். 

இந்நிலையில், அமெரிக்க ஜனாதிபதி டொனால்டு ட்ரம்ப், இந்த பிரச்சினையை தீர்க்க டெஸ்லா மற்றும் ஸ்பேஸ்-எக்ஸ் நிறுவனங்களின் தலைமை நிர்வாகி எலான் மஸ்க் உடன் பேச திட்டமிட்டுள்ளார். “அவர் அதில் மிகவும் திறமையானவர்” என்று ட்ரம்ப் கூறியுள்ளார். 

இதன் மூலம், ஸ்டார்லிங்க் (Starlink) செயற்கைக்கோள் இணைய சேவை மூலம் ஈரானில் இணையத்தை மீண்டும் கொண்டு வர முயற்சி செய்யப்படலாம் என எதிர்பார்க்கப்படுகிறது. 

ஈரானில் நடைபெறும் போராட்டங்கள், அரசின் கடுமையான கட்டுப்பாடுகள் மற்றும் இணைய முடக்கம் காரணமாக உலகளவில் கவனத்தை ஈர்த்துள்ளன. 

மக்கள் தங்கள் குரலை வெளிப்படுத்த முடியாமல் தவிக்கும் நிலையில், இணைய சேவை மீண்டும் தொடங்குவது போராட்டக்காரர்களுக்கு மிகப்பெரிய ஆதரவாக இருக்கும்.

ட்ரம்ப்-மஸ்க் சந்திப்பு உலக அரசியல் மற்றும் தொழில்நுட்ப துறையில் முக்கியமான முன்னேற்றமாக பார்க்கப்படுகிறது. இது நடைமுறைக்கு வந்தால், ஈரானில் சுதந்திர குரல்களுக்கு புதிய வாய்ப்பு கிடைக்கும்.

இணையத்தை மீண்டும் கொண்டு வருவதற்கான இந்த முயற்சி, ஈரானில் ஜனநாயக குரல்களை வலுப்படுத்தும் முக்கியமான அடியாக அமையும் என உலகம் முழுவதும் எதிர்பார்க்கப்படுகிறது.