'ஜனநாயகன்' பட கதை இதுதானா?

விஜய்யின் சினிமா வாழ்க்கையில் ஒரு திருப்புமுனையாக அமையவிருக்கும் 'ஜனநாயகன்' திரைப்படத்தின் மீதான எதிர்பார்ப்பு நாளுக்கு நாள் அதிகரித்து வருகிறது. படம் குறித்து அடுத்தடுத்த அப்டேட்கள் வெளியாகி வரும் நிலையில், தற்போது படத்தின் கதைச் சுருக்கம் வெளியிடப்பட்டுள்ளது. இது, 'ஜனநாயகன்' திரைப்படம் ஒரு வலுவான அரசியல் பின்னணியையும், ஆழமான சஸ்பென்ஸ் அக்‌ஷன் களத்தையும் கொண்டது என்பதை உறுதிப்படுத்துகிறது.

'ஜனநாயகன்' திரைப்படத்தின் மையக் கரு, சித்தாந்தங்களின் மோதல் (Clash of Ideologies) பற்றிப் பேசுகிறது. கதைச்சுருக்கத்தின் முதல் வரியே இதைத் தெளிவுபடுத்துகிறது: "ஒருவர் மக்களுக்காக நிற்கிறார், மற்றொருவர் அதிகாரத்தைக் கட்டுப்படுத்துவதில் ஊட்டம் பெறுகிறார்." இந்த இருவேறு சித்தாந்தங்களை உடைய தலைவர்களுக்கு இடையே தான் பிரதான மோதல் நடக்கிறது. இது, ரசிகர்களின் அரசியல் எதிர்பார்ப்புகளைப் பூர்த்தி செய்யும் வகையில் அமைந்திருப்பதற்கான அறிகுறியாகும்.

இந்த இரு எதிர்த் துருவங்களின் பாதைகளும், இதற்கு முன்னரே ஒரு முறை மோதி இருக்கின்றன. அதாவது, கதை நிகழும் காலத்துக்குப் பல ஆண்டுகளுக்கு முன்பே இவர்களுக்கு இடையே ஒரு மோதல் நடந்திருக்கிறது. இந்தக் கடந்த கால மோதலின் தாக்கம் தான், மீண்டும் இவர்களை நிகழ்காலத்தில் சந்திக்க வைக்கிறது. இதுவே, படத்தின் ஆரம்பத்திலேயே ஒரு அழுத்தமான சஸ்பென்ஸ் உணர்வைத் தூண்டுகிறது.

நீண்ட ஆண்டுகள் கழித்து, ஒரு குழந்தையின் மௌனமான பயம் தான், இந்தப் பழைய மோதலை மீண்டும் கிளறிவிடுகிறது. அந்தக் குழந்தையின் அச்சம், சாதாரண விஷயமல்ல; அது கடந்த காலத்தின் காயங்களை மீண்டும் திறந்து, சம்பவங்களை நிகழ்காலத்திற்கு இழுத்து வருகிறது. இதுதான், கதையின் திருப்புமுனையாக அமையக்கூடும். இந்தப் பின்னணியின் காரணமாக, ஒரு முன்னாள் காவல்துறை அதிகாரி களத்தில் இறங்குகிறார். இவர், அந்தக் குழந்தையின் அச்சத்திற்கு நீதி கிடைக்கப் போராடுகிறார்.

சினிமா வட்டாரங்களில், தளபதி விஜய் இந்தப் படத்தில் அரசியல்வாதியாக மட்டுமின்றி, ஒரு முன்னாள் காவல்துறை அதிகாரியாகவும் இரட்டைப் பரிமாணத்தில் நடிக்கலாம் என்ற பேச்சும் உள்ளது. இந்தக் கதைச் சுருக்கம், 'ஜனநாயகன்' வெறும் ஒரு பாக்ஸ் ஆபிஸ் வெற்றிப் படமாக மட்டுமல்லாமல், அழுத்தமான அரசியல் கருத்துகள் மற்றும் சமூகப் பொறுப்புணர்வு கொண்ட ஒரு திரைப்படமாகவும் இருக்கும் என்பதைக் கோடிட்டுக் காட்டுகிறது.