ரொனால்டோ கோல் அடிக்காமலேயே மிரட்டல் வெற்றி! இறுதிப்போட்டிக்கு முன்னேறிய அல்-நஸர்

சவுதி சூப்பர் கிண்ணத் தொடரின் அரையிறுதியில் அல்-நஸர் அணி 2-1 என்ற கணக்கில் அல்-இத்திகாத் அணியை வீழ்த்தியது.

ஹாங் காங் மைதானத்தில் நடந்த அரையிறுதிப்போட்டியில் அல்-நஸர் மற்றும் அல்-இத்திகாத் அணிகள் மோதின.

ஆட்டத்தின் 10வது நிமிடத்தில் அல்-நஸர் வீரர் சாடியோ மானே (Sadio Mane) கோல் அடித்தார்.

அடுத்த 6 நிமிடங்களில் அல்-இத்திகாத் வீரர் ஸ்டீவன் பேர்ஃஜ்விஜின் (Steven Bergwijn) பதிலடி கோல் அடித்தார்.

25வது நிமிடத்தில் கோல் அடித்த சாடியோ மானே தவறிழைத்ததற்காக சிவப்பு அட்டை கொடுக்கப்பட்டு வெளியேற்றப்பட்டார்.

எனினும் 61வது நிமிடத்தில் ஜோவோ ஃபெலிப்ஸ் (Joao Felix) கோல் அடிக்க, அல்-நஸர் (Al-Nassr) அணி 2-1 என்ற கோல் கணக்கில் வெற்றி பெற்றது.

இதன்மூலம் அல்-நஸர் அணி இறுதிப்போட்டிக்கு முன்னேறியது. இன்று நடைபெற உள்ள இரண்டாவது அரையிறுதிப் போட்டியில் வெற்றி பெறும் அணி, 23ஆம் திகதி நடைபெறும் இறுதிப் போட்டியில் அல்-நஸருடன் மோதும்.