கனடாவில் காட்டுத் தீ - காற்று மாசு எச்சரிக்கைகள்

ப்ரைரி பகுதிகளில் இருந்து பரவிய காட்டுத் தீ புகை காரணமாக, கனடா முழுவதும் சிறப்பு காற்று தர எச்சரிக்கைகள் மற்றும் அறிவிப்புகள் வெளியிடப்பட்டன.

காட்டுத் தீயால் உருவான புகை காரணமாக பார்வைத்திறன் குறைவதோடு, காற்றின் தரமும் மோசமடைந்து, சில பகுதிகளில் ஞாயிற்றுக்கிழமை வரை இந்த நிலை நீடிக்கும் என எதிர்பார்க்கப்படுகிறது.

இந்த அறிவிப்புகள் கிழக்கு பிரிட்டிஷ் கொலம்பியா முதல் மேற்கு கியூபெக் வரை பரவி, தீவிரத்தன்மையில் மாறுபடுகின்றன.

வடமேற்கு பிரதேசங்கள், சஸ்காட்செவன், மனிடோபா மற்றும் ஒன்டாரியோவின் சில பகுதிகளில் காற்று தர எச்சரிக்கைகள் விடுக்கப்பட்டுள்ளன.

இந்த பகுதிகளில் "மிக அதிக" அளவு காற்று மாசு இருப்பதாக என்வயரன்மென்ட் கனடா தெரிவித்துள்ளது.

இதற்கிடையில், பிரிட்டிஷ் கொலம்பியா, ஆல்பர்ட்டா மற்றும் கியூபெக் பகுதிகளில் காற்று தர அறிவிப்புகள் விடுக்கப்பட்டுள்ளன, அங்கு காற்று தரம் மோசமாக இருந்தாலும், உடல்நல அபாயம் குறைவாக உள்ளது.

காற்று தர எச்சரிக்கைகள் விடுக்கப்படுவதற்கு காற்று தர ஆரோக்கிய குறியீடு (Air Quality Health Index) 10 அல்லது அதற்கு மேல் ஆறு மணி நேரத்திற்கு தொடர்ந்து இருக்க வேண்டும்.

அதேநேரம், காற்று தர குறியீடு 7 முதல் 10 வரை இருக்கும்போது சிறப்பு காற்று தர அறிவிப்புகள் விடுக்கப்படுகின்றன.

ஒன்டாரியோ, மனிடோபா மற்றும் சஸ்காட்செவனின் வடக்கு பகுதிகளில், குறிப்பாக மனிடோபாவின் பிளின் பிளான் மற்றும் சஸ்காட்செவனின் லா ரோஞ்ச் ஆகிய இடங்களுக்கு அருகில் மிக மோசமான காற்று தரம் காணப்படுவதாக அறிவிக்கப்பட்டுள்ளது.