தலைநகர் பரிசை வாட்டி எடுத்த வெப்பம்!

இன்று மே 1, வியாழக்கிழமை பரிசில் அதிகூடிய வெப்பம் பதிவாகியிருந்தது. இந்த பருவகாலத்தில் பதிவாகும் வெப்பத்தை விட மிக அதிகமாகும். ஐரோப்பிய நகரங்களில் அதிக வெப்பம் நிலவிய நகரமாக பரிஸ் அமைந்துள்ளது.

பரிசில் இன்று நண்பகல் 29.4°C எனும் வெப்பம் பதிவானது. ஏப்ரல் இறுதி அல்லது மே மாதத்தின் முதல் வாரத்தில் வழமையாக 20°C வரையான வெப்பமே பதிவாகும் எனவும், இன்று பதிவான வெப்பம் மிக அதிகமானது எனவும் தெரிவிக்கப்பட்டுள்ளது.

அதேவேளை, 1976 ஆம் ஆண்டு மே 1 ஆம் திகதி பதிவான 30.4°C எனும் வெப்ப பதிவு அதன் பின்னர் எப்போதும் முறியடிக்கப்பட்டதே இல்லை எனவும் தெரிவிக்கப்படுகிறது.