Apple அறிமுகப்படுத்தும் புதிய பட்ஜெட் விலை ஸ்மார்ட்போனின் அம்சங்கள்

தொழில்நுட்ப நிறுவனமான ஆப்பிள் இன்று (பிப்ரவரி 19) புதிய பட்ஜெட் விலை ஸ்மார்ட்போனை அறிமுகப்படுத்த உள்ளது.

இது 'iPhone SE 4' ஆக இருக்கலாம் என்று தகவல்கள் தெரிவிக்கின்றன.

நிறுவனத்தின் தலைமை நிர்வாக அதிகாரி டிம் குக் எக்ஸ் பதிவில் வெளியீட்டு நிகழ்வு குறித்து தெரிவித்தார். அவர் ஒரு வீடியோவையும் பகிர்ந்துள்ளார்.

 அதில் வெள்ளி நிற ஆப்பிள் லோகோ தெரியும்.
அந்த பதிவில், 'புதிய குடும்ப உறுப்பினரை சந்திக்க தயாராகுங்கள்' என்று கூறியுள்ளார்.

அவர் வேறு எந்த தகவலையும் குறிப்பிடவில்லை, ஆனால் Apple குடும்பத்தில் சேரும் புதிய உறுப்பினர் iPhone SE 4-ஆக இருக்கலாம் என எதிர்பார்க்கப்படுகிறது.

ஏற்கெனவே சந்தையில் உள்ள ஆப்பிள் ஸ்மார்ட்போன்களுடன் ஒப்பிடும்போது இது மலிவான தொலைபேசியாக இருக்கும்.

iPhone SE 4-இன் விலை ஏறக்குறைய 499 டொலருக்கு அருகில் இருக்கலாம்.
இந்த வெளியீட்டு நிகழ்வில், நிறுவனம் புதிய Power Beats Pro 2 Ear Buds, M4 MacBook Air, M3 iPad Air, மற்றும் 11th generation iPad ஆகியவற்றையும் அறிமுகப்படுத்தலாம்.

இந்த மலிவான ஐபோனை Bionic A18 செயலி மூலம் சந்தையில் அறிமுகப்படுத்த வாய்ப்புள்ளது, iPhone 16-லும் இதே Bionic A18 சிப்செட் உள்ளது, இது மென்மையாகவும் வேகமாகவும் வேலை செய்கிறது.

ஐபோன் 16 தொடரைப் போலவே, iPhone SE4 மொபைல் 8GB RAM-ல் வரலாம். இதை ஆப்பிள் இன்டலிஜென்ஸ் தொழில்நுட்பத்துடன் அறிமுகப்படுத்தலாம்.
இந்த சிறிய ஐபோன் OLED பேனலில் கட்டமைக்கப்பட்ட 6.1 இன்ச் டிஸ்ப்ளேவைப் பெறலாம், இது முன்பு அறிமுகப்படுத்தப்பட்ட SE 3-ஐ விட பெரியதாக இருக்கும். ஐபோன் எஸ்இ 3 மாடலில் 4.7 இன்ச் எல்சிடி டிஸ்ப்ளே இருந்தது.

iPhone SE 4-ல் 48 மெகாபிக்சல் ஒற்றை கேமரா கொடுக்கப்படலாம். செல்ஃபி மற்றும் வீடியோ அழைப்புகளுக்கு 12 மெகாபிக்சல் முன் கேமரா கொடுக்கப்படலாம்.