குழந்தைகளின் மூளை மூளை மற்றும் மனநிலையை நன்றாக வைத்திருக் உதவும் உணவுகள்!

குழந்தைகளின் 6 முதல் 12 வயது வரை அவர்களது மூளை நல்ல வளர்ச்சி பெரும். ஆனால் இந்த காலத்தில் தான் அவர்கள் அதிகம் விளையாடிக்கொண்டு ஒழுங்காக சாப்பிடாமல் இருப்பார்கள். அவர்கள் உண்ணும் குறைந்த உணவில் போதுமான கலோரிகள் மற்றும் ப்ரோடீன் இல்லாமல் ஆகும் போது அவர்களது மூளை வளர்ச்சி பாதிக்கப்படும். உங்கள் குழந்தையின் புத்திசாலித்தனத்திற்கு பெரிதும் உதவுவது உடற்பயிற்சி மற்றும் ஆரோக்கியமான உணவு ஆகும். நிபுணர்களின் கூற்றுப்படி, ஒட்டுமொத்த ஆரோக்கியத்திற்கும், மனதை கூர்மைப்படுத்தவும் நீங்கள் விரும்பினால், தொடர்ந்து  பழங்களை சாப்பிட வேண்டும். பழங்களில் ஆப்பிள், ஆரஞ்சு, மாதுளை மற்றும் பருவகால பழங்கள் மூளைக்கு நல்லது.

நம் உடலின் ஒவ்வொரு பகுதியிலும் சில ப்ரோடீன் உள்ளன. மூளை மற்றும் மனநிலையை அதிகரிக்க போதுமான ப்ரோடீன் அளவு உடலுக்கு தேவைப்படுகிறது. உடலில் ப்ரோடீன் அளவு அதிகரிக்க பால், தயிர், முட்டை, சிக்கன், சோயா, பீன்ஸ், உலர் பழங்கள், விதைகள் போன்றவற்றை நாம் தினசரி சாப்பிட வேண்டும். உலர்ந்த பழங்கள் மற்றும் விதைகளில் ஒமேகா 3 ஃபாட்டி ஆசிட்ஸ இருப்பதாக ஊட்டச்சத்து நிபுணர் மெரினா கூறுகிறார். இது மூளைக்கு மிகவும் ஆரோக்கியமானது, மேலும், உலர் பழங்களில் பாதாம், வால்நட், ஆப்ரிகாட் போன்றவற்றை சாப்பிடுவதும் மூளைக்கு மிகவும் நல்லது.

சால்மன், கானாங்கெளுத்தி மற்றும் சூரை போன்ற கொழுப்பு நிறைந்த மீன்கள், ஆளிவிதைகள், சூரியகாந்தி விதைகள், பூசணி விதைகள் மற்றும் அக்ரூட் பருப்புகள் ஆகியவற்றை குழந்தையின் உணவில் சேர்ப்பது நல்லது. இரும்பு சத்து அறிவாற்றல் வளர்ச்சிக்கு இன்றியமையாதது, ஏனெனில் இது குழந்தைகள் சுறுசுறுப்பாக வைத்திருக்கவும், கவனம் செலுத்தவும் உதவுகிறது. பீட்ரூட், கேரட், தக்காளி, பிளம்ஸ், பெர்ரி மற்றும் கீரை போன்ற பழங்கள் மற்றும் காய்கறிகளில் ஆன்டிஆக்ஸிடன்ட்கள் நிறைந்துள்ளதால், ஒட்டுமொத்த மூளை ஆரோக்கியத்தை ஆதரிக்கின்றன. உங்கள் குழந்தையை நாள் முழுவதும் தண்ணீர் குடிப்பதை உறுதிப்படுத்திக் கொள்ளுங்கள், ஏனெனில் லேசான நீரிழப்பு கூட அறிவார்ந்த செயல்திறனை பாதிக்கலாம்.

விதைகள்: விதைகளில், புளி விதைகள், சியா விதைகள், பூசணி விதைகள், சூரியகாந்தி விதைகள் போன்றவை மூளைக்கு மிகவும் நன்மை பயக்கும்.

மஞ்சள்: இவை தவிர மூலிகைகள் மற்றும் மசாலாப் பொருட்களும் மூளையை கூர்மையாக்கும். மஞ்சள் குழந்தையின் மூளைக்கு மிகவும் நல்லது. மஞ்சளில் குர்குமின் சேர்மங்கள் உள்ளன, அவை மூளை செல்களில் வீக்கத்தைத் தடுக்கின்றன.

மேலும், இலவங்கப்பட்டை, ரோஸ்மேரி போன்ற மூலிகைகள் ஆக்ஸிடேடிவ் ஸ்ட்ரெஸ்-ஐ குறைக்கின்றன. இது மூளை மற்றும் மனநிலையை நன்றாக வைத்திருக்க உதவுகிறது மற்றும் கவனத்தை அதிகரிக்கிறது.